كود

الثلاثاء، 1 نوفمبر 2011

حتى الوافدين خليتهم يبوقون الديرة يا جاسم بودي ...؟؟؟ ج5

نرجع لكم في الجزء الخامس من فساد جاسم بودي ...!!!
المشكلة ان ملفات جاسم بودي محتاجة مجلدات ...
ومع ذلك مازلنا نتساءل وين نواب ساحة الارادة عن فساد جاسم بودي ...؟؟؟
وين كتلة العمل الوطني ...؟؟؟
وين التكتل الشعبي ...؟؟؟
بس قبل لا ندخل بموضوع اليوم ...
خلونا نحط لكم صورة تبين علاقة بودي والخرافي والغانم ...؟؟؟


عرفتوا ليش جاسم بودي ماخذ راحته ...؟؟؟
عرفتوا من وين قوة جاسم بودي ...؟؟؟
جاسم بودي ضامن طرف الحكومة ...!!!
ومن خلال مؤسسة الراي ضامن طرف التكتل الشعبي ...!!!
والديرة مو مهم تضيع ...؟؟؟
والديرة مو مهم تنباق ليل نهار ...؟؟؟
المهم ان جاسم بودي تزيد ثروته ...!!!
....................................................................................
موضوعنا اليوم عن رصيف 9 – 10 في ميناء الشعبية ...!!!
شنو قصة رصيف 9 و 10 ...؟؟؟
وشنو دخل جاسم بودي فيهم ...!!!
في شركة اسمها "اسمنت الهلال" تعاقدت مع مؤسسة موانئ الكويت ...
لاستغلال رصيف رقم 9 و 10 في ميناء الشعبية ...!!!
للحين الوضع طبيعي ...؟؟؟
شركة اسمنت الهلال تملكها اربع شركات ...!!!
شركة السويس للإسمنت وهي بالمناسبة شركة ايطالية وتملك 51% ...
مشاريع بودي وتملك 27.27% طبعا مملوكة لجاسم بودي ...!!!
وايضا الوضع مازال طبيعي ...!!!
المشكلة كانت ان في عام 2004 انتهي عقد شركة اسمنت الهلال ...
وتخيلوا ان من 2004 حتى هذه اللحظة شركة اسمنت الهلال تعمل بميناء الشعبية...!!!
7 سنوات ومازالت شركة الهلال تعمل ببلاش على املاك الدولة ...
الغريب ان مؤسسة موانئ الكويت تملك انها تطرد الشركة من الميناء ...
ومع ذلك ما عملت اي اجراء ماعدا رفعت قضية ...!!!
لا وازيدكم ...
حسب القانون مؤسسة الموانئ تملك اجراءات منها :
- اخلاء اداري
- اخلاء قضائي
- رفع قضية للمطالبة بمقابل الاستغلال
- عدم السماح للسفن بالدخول
- قطع الكهرباء والماء وعدم السماح للشاحنات بالدخول.
ولكن مجلس الادارة اجتمع وقرر ان يرفع قضية فقط ...؟؟؟
طبعا كل هذا خوفا من جاسم بودي ان يشن هجوم على المؤسسة ...
هذا بالإضافة ان جاسم بودي الجوكر في كل المناقصات ...
وفي اطراف بالحكومة ما تبي تزعله ...
السؤال الي يمكن يخطر في بالكم ...
وين النواب ...؟؟؟
وين الشرفاء الي بين يوم ويوم في ساحة الارادة ...؟؟؟
وين الي يقولون ان الحكومة ترعى الفساد ...؟؟؟
ولا واحد فيهم تكلم عن ملف جاسم بودي ...
ماعدا النائب ضيف الله بورمية ...
والغريب ان هالنائب محسوب عليهم ...
ومع ذلك ولا واحد من هالنواب وقف معاه ...
ولا حتي تكلم عن ملف فساد جاسم بودي ...
وين كتلة العمل الوطني ...؟؟؟
ولا لان جاسم بودي قريب مرزوق الغانم ...
فماله داعي تتكلمون ...
ولا حلال فساد جاسم بودي حرام على غيره ...
وين التكتل الشعبي ...؟؟؟
وينك يا مسلم البراك الي صوتك يلعلعل بساحة الارادة ...
ليش ما تكلمت عن فساد جاسم بودي ...
ولا تخافون من مؤسسة الراي ...
ولا لان شراكم بفلوسه ومناقصاته الي اغلبها من فلوس الديرة...؟؟؟
واغلبها سرقات من الاموال العامة للدولة ...!!!

ترقبونا مع الجزء السادس ...

الأحد، 30 أكتوبر 2011

مبدا جاسم بودي ... اشتر نائب تاخذ معاه هدية الف مناقصة ...!!!

اليوم ماراح يكون كلامنا وايد ...
الحقيقة ان تجمع شباب الغد الكويتي ...
بعثوا لنا رابط لفيديو من اعدادهم يتكون من رابطين ...
والحقيقة اننى لا اعرف هذا التجمع ...
ويبدو انهم يدافعون عن النائب ضيف الله بورمية ...
وانا لست متفق معاهم بهذه الجزئية ...
ولكن ما قاموا به يستحق المتابعة ...
العامل بالمشترك بين الرابطين ...؟؟؟
انهم يكشفون لكم حجم تلاعب ثلاثي عوائل الفساد ...
الخرافي والغانم وبودي ...
والحكم لكم ...

الجزء الاول


الجزء الثاني


ترقبونا مع الجزء الخامس ...

الخميس، 27 أكتوبر 2011

جاسم بودي مثال للفايروس القذر ...!!!


بلشنا في الجزء الثالث ...!!!
والكثير يسالونا ليش جاسم بودي بالوقت هذا ...؟؟؟
وجوابنا ان جاسم بودي مثال واضح على فشل النواب الي يسمون انفسهم شرفاء ...!!!
شلــــــــــــــــــــــون ...؟؟؟
شايفين هالنواب الي كل يوم وثاني طالعين بساحة الارادة ...؟؟؟
ولا واحد فيهم ...
قدر ان يفتح ملف جاسم بودي على مصارعيه ...؟؟؟
معقوله ...؟؟
بطلوا الارشيف وتأكدوا بأنفسكم ...
كل واحد تجرأ وسال عن ملف جاسم بودي ...
ثاني يوم كل المؤسسة الاعلامية لجاسم بودي تحرق فيه ...
عشان جذي اقل من اصابع اليد الواحدة من تجرا وتكلم عن فساد جاسم بودي ...؟؟؟
ولكن السؤال وين مسلم البراك ...؟؟؟
وين احمد السعدون ...؟؟؟
وين جماعة كتلة العمل "لا" الوطني ...؟؟؟
وين الى يقولون انهم المدافعين عن الدستور ...؟؟؟
طلع كل هالكلام خرطي بخرطي ...!!!
.....................................................................................
اليوم راح نتكلم عن موضوع قناة الراي ...!!!
تدرون ان السلطة كسرت احتكار القنوات في الكويت ...
مو عشان تطور من حرية الراي ...؟؟؟
ولا عشان تطور من الاعلام الكويتي ...!!!
كان عشان جاسم بودي فقط لا غير ...
الحبيب كان يبي يفتح قناة ...
ولعيون جاسم بودي كل شيء يتم الموافقة علية ...
وطبعا ونكرر باننا ضد الاحتكار ولكن القصة ليست فقط كسر احتكار ...
تدرون ان اول ثلاث سنوات ...
جاسم بودي ما كان عنده مبنى خاص بقناة الراي ...؟؟؟
قام الحبيب واخذ مبني وزارة الاعلام في السالمية ...
لمدة ثلاث سنوات ...
اكرر لمدة ثلاث سنوات ...
دفع مبالغ بسيطة تكاد لا تذكر ...
ونتحدى جاسم بودي الخرتيت القاتل ...
ان يطلع العقد الي كان بين الراي ووزارة الاعلام ...
وشوفوا قيمة الاجار ...
هذا ان كان في اجار اصلا ...
تردون ان وزارة الاعلام طلبت ان تقوم قناة الراي في مقابل الحصول على المبنى ...
انها تضبط استديوهات وزارة الاعلام ...
وتسلمها بعد ما تخلص من المبني ...
تدرون ان جاسم بودي كالعادة ما التزم بالشرط ...
ويقولون ان اخذ اجهزة وزارة الاعلام ...؟؟؟
اكرر سؤالي ...؟؟؟
وين نواب ساحة الارادة ...؟؟؟
وين الي يسمون انفسهم الشرفاء ...؟؟؟
وين نواب كتلة "لا" العمل الوطني ...؟؟؟
وين الي يقولون انهم المدافعين عن الدستور ...؟؟؟
وصج لما قلنا ان جاسم بودي ...
مثل الفايروس القذر الي يأخذ ولا يفكر يعطي ...

ترقبونا بالجزء الرابع ...

الأربعاء، 26 أكتوبر 2011

نعتذر ... الخرتيت القاتل وليس الحوت ...!!!


في البداية لابد وان نعتذر للقراء ...؟؟؟
لان بطريق الخطأ اطلقنا على جاسم بودي لقب الحوت القاتل ...
والحقيقة ان الحوت مخلوق قوي وملك البحر ...
وجاسم بودي قوي بالرحمنة وملك بسرقة اراضي الدولة ...!!!
ولذلك لقب حوت حرام فيه ...
راح نغيره الي لقب الخرتيت القاتل ...!!!
اعتقد ان يطابق شكله ...؟؟؟
....................................................................................
موضوعنا اليوم تكمله للأجزاء القادمة بشان سرقات جاسم بودي ...
البعض يقول يا جماعة على الاقل جاسم بودي قاعد يسوي شيء بالديرة ...؟؟؟
ويمكن هالكلام صح ان كانت هالمشاريع مشت بطرق قانونية ومحترمه ...
بس لان جاسم بودي كلش مو محترم ...
وراح نثبت لكم خلال كل هالاجزاء القادمة ان فعلا غير محترم ...
ولو كان عندنا نواب يخافون على هالديرة كانوا افضحوه ...
وبدون اي شك ان تلاعب جاسم بودي يطيح حكومات مو بس حكومة ...!!!
....................................................................................

شركة City Bus هي شركة للنقل البري ...
بالمناسبة لعيون جاسم بودي تم كسر احتكار الحكومة للنقل البري ...
واحنا ما عندنا مشكلة من كسر الاحتكار ...
ولكن خلونا نسال نفسنا سؤال ...
ليس بس سيتي باص الي موجودة بالسوق ...؟؟؟
تدرون ليش لان الحكومة لما افتحت المجال لجاسم بودي ...
اغلقت الباب على الباجي ...!!!
مستحيلة اكيد ...!!!
بس لعيون جاسم بودي ماكو شيء اسمة مستحيل ...!!!
تدرون ان الاراضي الى عطتها الحكومة لجاسم بودي لشركة سيتي باص ببلاش ...؟؟؟
اي نعم ببلاش ...
والمشكلة ان الاراضي مو ملك جاسم بودي ...
وهذا المعروف بهذا النوع من العقود ...
ولكن اكيد جاسم بودي عنده تفكير ثاني ...!!!
عجيب جاسم بودي ...؟؟؟
كل شيء يأخذه لازم يكون ببلاش ...!!!
املاك الدولة ببلاش فقط لعيون جاسم بودي ...
طبعا الكل راح يسال نفسة سؤال ...
وين النـــــــــــــــــــــواب الشرفاء ...؟؟؟
وين نواب ســـــــــــــــــــاحة الارادة ...؟؟؟
طبعا ولا احد فيهم تكلم ...
وينك يا ضمير الامة ...؟؟؟
وينكم يا كتلة العمل "لا" الوطني ...؟؟؟
ولا جاسم بودي لان ما يهاجمكم صار حبيبكم ...!!!
والله عيب اشكره املاك الدولة تنباق ...
النواب الشرفاء – حلوة شرفاء – ساكتين ...!!!
تتوقعون ان راح يتوقف جاسم بودي عند هالحد ...
اكيد لا ...

ترقبوا الجزء الثالث ....

الثلاثاء، 25 أكتوبر 2011

جاسم بودي "الحوت القاتل" ...!!!


من المؤسف ان الكثير من النواب ...
الى يسمون انفسهم وطنيين ...!!!
ويسمون انفسهم معارضة ...!!!
اقنعوا الناس بانهم ضد الفساد ...
وانهم مع مصلحة الكويت ...
والكلام الى تسمعونه كل يوم بالجرائد ولا ساحة الارادة ...
ان هالنواب مدافعين عن الكويت ضد الفساد ...
ولكن ...!!!
الغريب في الامر ان الكويت فيها حرامي ولا احد تكلم عنه ...
والغريب ان اي نائب بتكلم عنه تتشوه سمعته ...
ويجند كل طاقته لتشويه صورة اي شخص يكشف تلاعباته ....
ونتشرف بان مدونة بيت الشعب اول من كشفته ...
ماني مدوخكم ...
نقصد جاسم بودي ...
يا جماعة جاسم بودي اليوم راح نغير اسمة الى الحوت القاتل ...
ليش الحوت القاتل ...؟؟؟
مو لأنه يقتل اعداءه ...
لا يخسي هذا ارده من امه ...
ولكن الحوت القاتل لان ماكو مناقصة مو ماخذها ...
وان اخذ مناقصة ما دفع فيها ولا فلس حمر ...!!!
جاسم بودي الوحيد ...
واكرر قلت الوحيد ...!!!
الي ولا نائب يدعي الوطنية تكلم عنه ...!!!
وايضا والي ولا نائب يدافع عن القانون ليل نهار تكلم عنه ...
جاسم بودي عشان تتكلم عن تلاعباته تحتاج الى اكثر من موضوع ...
...............................................................................
خلونا نبدأ بأول موضوع ...!!!
طيران الجزيرة وما ادراكم ما طيران الجزيرة ...؟؟؟
تدرون ان مباني طيران الجزيرة بدون عقد BOT ...
يعني مباني من اراضي الدولة بلاش في باش لجاسم بودي ...!!!
بالمناسبة الحكومة ما تملك انها تتنازل عن اراضي الدولة ...
لأنها اموال عامة وحقوق الشعب الخاصة وليست ملكية عامة ...
اراضي ببلاش ولا نائب تكلم عنها ...
وين الوطنيين والدستوريين وين ربع ساحة الارادة عن هالموضوع ...؟؟؟
ولا لان الموضوع فيه جاسم بودي خايفيين ...؟؟؟
مسلم البراك بأكثر من مناسبة شكر جاسم بودي ...
والعكس لا توجد ولا مناسبة تكلم فيها مسلم البراك...!!!
عن جاسم بودي وعن تلاعب طيران الجزيرة ...؟؟؟
تتوقعون ان الموضوع وقف لهذا الحد ...؟؟؟
لا طبعا ...
جاسم بودي "الحوت القاتل" دائما يحمل المفاجآت ...؟؟؟
تدرون ان الخطوط الجوية الكويتية تنازلت عن حقوق الطيران ...
نعم تنازلت عن حقوق الطيران لخط الرياض وجدة لصالح جاسم بودي ...
يمكن البعض يسال ما فيها شيء ...
ولكن تصدقون ان هالتنازل كان مجاني ...؟؟؟
اي نعم مجاني ...!!!
لا وازيدكم من الشعر بيت ...
تدرون ان طيران الجزيرة لها بوابات خاصة لمبناها داخل المطار ...
بينما الكويتية بوابتها خارج المطار ...!!!
غريب الوضع ...
اكيد غريب ...؟؟؟
بس مو غريب على جاسم بودي ...!!!
الختامية بالنسبة لموضوع الجزيرة ...؟؟؟
تدرون ان طيران الجزيرة ما يدفعون ارضية ...؟؟؟
اي نعم كل طيران بالعالم يطب باي دولة لازم يدفعون ارضية ...
الا طيران الجزيرة ما يدفعون ارضية على ارض الكويت ...
وين نوابنا ...؟؟؟
وين جماعة ساحة الارادة ...؟؟؟
وين الي داخل وخارج المجلس يلعلع صوته ...؟؟؟
ولكن في مواجهة فساد الحوت القاتل جاسم بودي ...!!!
يتحول الى فراشة ...

ترقبوا الجزء الثاني ...

السبت، 27 أغسطس 2011

عبدالرحمن العنجري ... صاد الطير ..!!!


"يرجى تزويدنا بجميع المشاريع الإنشائية والخدمية والعسكرية والتي تمت من خلال الأمر المباشر وذلك منذ 1/1/2009 وحتى تاريخ هذا السؤال"
هذا كان نص سؤال عبدالرحمن العنجري لوزير الدفاع جابر المبارك ...
السؤال من 20 كلمة فقط...
ولكن راح يكشف امور تحتاج الى 20 سنة فقط للتعليق ...!!!
وقبل التعليق لازم نوضح ونفسر السؤال ...
المقصود بالمشاريع الانشائية هو " كل ما تم انشاءه من المباني"
المقصود بالمشاريع الخدمية هو " كل ما يتعلق بالخدمات بدا من شراء الاوراق وصولا الي البدلات العسكرية وهكذا.."
المقصود بالمشاريع العسكرية هو "كل الصفقات ومنها طبعا صفقة الرفال والمدفع الصيني وهكذا ..."
يعني باختصار سؤال العنجري شمل كل شيء بوزارة الدفاع ...!!!
يعني باختصار راح نشوف فضائح غير طبيعية...
في حالة الاجابة على هالسؤال ...!!!
ليش قلت في حالة الاجابة على هالسؤال ...
وهذا موضوعنا اليوم ...
عبدالرحمن العنجري كان مفاجأة من العيار الثقيل ...
لان خالف توجه كتلة العمل الوطني بالسؤال ...؟؟؟
ليش...؟؟؟
لان العلاقة الطيبة الي تجمع كتلة العمل الوطني بالحكومة من جانب ...
وبوزير الدفاع جابر المبارك من جانب اخر ...
هذا السؤال في حالة الاجابة عليه راح يكشف امور تمثل حالة الفساد في الصفقات ...
وبالخصوص في وساطات وصفقات بشار كيوان شريك ابن وزير الدفاع جابر المبارك...
حقيقة محزن ان مسؤولين يتقاتلون لحمايته وافد وفاسد ...!!!
والله حسره على هالوضع الي بالكويت ...
المهم نرجع لعبدالرحمن العنجري ...!!!
السؤال راح يكشف امور خطيرة ...
عبدالرحمن العنجري راح يواجه مشكلة عويصة خلال الايام القادمة ...
شلـــــــــــــــــــــــــون...؟؟؟
راح يواجه ضغوط كبيرة من متنفذين لسحب السؤال ...
وايضا راح يواجه ضغوطات من زملاءه في كتلة العمل الوطني ...
على الرغم من عبدالرحمن العنجري بحكم المستقيل من كتلة العمل الوطني ...
وهذا واضح جدا في اسئلته وتحركاته والاهم تصويته ضد سمو رئيس الوزراء ...
وايضا للتأكيد ان هالسؤال راح يكشف الوسطاء من المتنفذين في المناقصات ...
والاهم الشبهات ...
بشار كيوان مازال تحت المجهر ...
ان كان سقوطه راح يكون مع سقوط البعث في سوريا ...
او تخلي المتنفذين عنه ...
وكلاهما قريب جدا جدا ...
ترقبونا ...

السبت، 30 يوليو 2011

بسك جذب يا مرزوق الغانم ...!!!


الصراحة محنا عارفين من وين نبدأ ...؟؟؟
نبدأ من جذب مرزوق الغانم بان ما دعم بن همام ...؟؟؟
ولا نبدأ من جذب مرزوق الغانم بان حصل على حكم قضائي ...!!!
من كثر جذب مرزوق الغانم ...!!!
قمنا نشك بكل شي ...!!!
بدينا نشك بان التاجر الكويتي لازم يكون جذاب ...!!!
بدينا نشك ان الوطنيين بالكويت معدودين على الاصابع ...!!!
بدينا نشك بان في ناس كويتيين ما يحبون الخير لديرتهم ...!!!
بدينا نشك انك يا مرزوق كويتي قول وفعل ...!!!
شنو الفرق بينك وبين الي باع الكويت ايام الغزو ...؟؟؟
انت دفعت فلوس لشخص كان واقف ضد الكويت ...

مرزوق الغانم افهم كلامنا عدل ...!!!
محمد بن همام كان واقف ضد الكويت ...!!!
تفهم شنو الكويت ...؟؟؟
تفهم شنو علم الكويت ينزل الارض ويرفع بدالة علم ثاني ...!!!
تفهم يا مرزوق الغانم ان في كويتيين حرموا من المشاركة بسبب بن همام ...!!!
كل هذا مو مهم ...؟؟؟
كل هذا عادي عندك ...؟؟؟
شنو الفرق بينك وبين الي حرق علمنا في العراق ...!!!
هذولة يكرهونا ...
وانت تكره الكويت لأنك قبلت انك تكون مع شخص ضد الكويت ...!!!
والله عيب يا مرزوق الغانم ...
والله انك ما تستاهل لقب عائلة الغانم ...
انت انسان قذر ووقح ...
انت انسان قبلت انك تكون ضد الكويت ...
واحنا ما يشرفنا حتى ان نذكر اسمك بجانب اسم عائلتك ...!!!
العن ابوها من خلافات بينك وبين عيال الفهد الي تخليك تدوس علم الكويت ...!!!
انت نزلت علمنا الارض يعني نزلت كرامتنا الارض ...
والله انك تخسي انت والف غيرك ...
اي نعم تخسي انت والف غيرك ان يكون ضد الكويت ونسكت عنه ...
تخسي انت ومليون غيرك بعد انك تهين الكويتيين ...!!!
محمد بن همام يقول ان انت تشرفه ...
وانا اقولك كفوك اذا هذا يشرفك ...
تخسي انت يا مرزوق وبن همام فوقك ...
الحين فضحت الكويت كلها بالعالم ...
ترا الصحف العالمية ماراح تقول اسمك بس راح تقول اسم الكويت ...
وصاختك وصخت اسم وطنا ...
وانت وصخ ولا تسوى ...
وراح نظل نكشفك ...
لأنك ما تستاهل انك تكون كويتي ...
ترقبونا ...

الأحد، 24 يوليو 2011

الكويت رخيصة يا مرزوق الغانم ...؟؟؟


الموضوع الكل عارفة ...
وماله داعي اعيد وازيد فيه ...
وانا بعلق ومن حقي ككويتي اني اقول واعبر ...
تعرفون موقف محمد بن همام ضد الكويت ...؟؟؟
بن همام ساهم وبشكل اساسي ساهم بوقف النشاط الرياضي في الكويت ...
بن همام قتل حلم كل الكويتيين ان يشوفون علمهم يرفرف عالي ...
بن همام سحق علم الكويت نزله الارض ...
وكتبنا هالكلام في مدونة بيت الشعب ...
وبعد كل هذا يا مرزوق الغانم ...!!!
لان عندك خلاف مع عيال الفهد الكويت تهون عليك ...؟؟؟
لان عندك خلاف مع عيال الفهد الكويت تحترق ...؟؟؟
والله عيب والف عيب ...!!!
والله قهر ...!!!
شنو بكون رد المدافعين عنه ...؟؟؟
بتقولون كذب وافتراء ...
نقول ماشي ...!!!
مرزوق يقول هالكلام غير صحيح ...
طيب احنا نسال لو فعلا كان هالكلام صحيح ...؟؟؟
مرزوق الغانم يقول ان راح يرفع قضية على الجريدة الالمانية ...!!!
والجريدة تقول بانها تملك وصل تحويل الفلوس ...!!!
نصدق كلامك يا مرزوق الغانم ...
ولا نصدق كلام الي عنده دليل ...!!!
ليش محمد بن همام رفض ان يكشف عن حساباته ...؟؟؟
ما يدل هالشي ان فعلا ماخذ رشاوي ...!!!
والمشكلة ان في ناس تقول ان مافيها شي هذا دعم ...!!!
واحنا نقول ماشي مافيها شي ...
ومو مشكلة الدعم ...!!!
بس ...!!!
لمن هذا الدعم ...؟؟؟
لمحمد بن همام الي كان ومازال ضد الكويت ...؟؟؟
هذا يستاهل الدعم ...؟؟؟
ومرزوق الغانم يقول ان في اطراف كويتية بالموضوع ..!!!
ماشي بس لازم نسال ...
الي نقل الخبر اربع جهات وهي :
- صحيفة فرانكفورتر الجيمانيز تسايتونغ
- قناة العربية
- «العربية نت»
- وكالة الأنباء الفرنسية
معقولة هالجهات كلهم بفعل كويتي ...!!!
صراحة هالكويتي فعلا قوي وواصل ...!!!
على منو تجذب يا مرزوق الغانم ...
انت تقول انك راح ترفع قضايا ...
حلو بس لازم نسال ...!!!
الموضوع صارلة اربعة ايام ...
ليش للحين ما تحركت قضائيا ...
عذرك انك مع ابوك بالعلاج ...
هذي مسرحية العب غيرها ...
مثلا انت الي راح تعالجه ...؟؟؟
ولا انت الى راح ترفع قضية ...؟؟؟
بس مشكلة مرزوق الغانم ان يجذب ...
ويعتقد ان الناس لازم تصدقه ...
ترقبونا ...

الخميس، 21 يوليو 2011

الى صلاح المضف ... مع التحية ...!!!


اليوم نكتب اليك هذه الرسالة ...
وان كانت كل اللغات لم تنفع عن العدول دون تعيينك ...!!!
فربما ...
منطق العقل يكون كافيا حتى ترفض انت هذا المنصب ...!!!
الم تكن انت من كان ينادي بضرورة قيام سلطة دولة المؤسسات ...؟؟؟
الم تكن انت من تحدث كثيرا عن الدفاع عن الدستور ...؟؟؟
الا تظن ان تعيينك بهذه الطريقة مخالف للدستور ...؟؟؟
الا تظن ان الاسلوب الذي استخدم في تعيينك انتهاك لتكافئ الفرض ...؟؟؟
الا تظن ان في حالة قبولك المنصب فانك تتناقض مع كل اطروحاتك ...؟؟؟
الا تظن ان من رشحك للمنصب هو في الواقع وضعك في خندق خطير ...؟؟؟
رسالتنا لك ...
بان لا تكون منافقا ...
ولا تكون متناقضا ...
ان رفضك لهذا المنصب سيرفع من قيمتك امام الناس ...
وان كان اعضاء التحالف لم يحترموك لترشحيك لتقودهم ...
فكن على ثقة بان الكل دونهم سوف يرفع لك القبعة احتراما ...
نقولها لك ...
لا تقبل هذا المنصب ...
حتى لا يقول الناس انك منافق ....
وان ما تدعوا له غير صحيح ...
لا تجعل الناس تستغل الدستور ...
نحن نعلم بانك قد ترفض المنصب ...
ونحن نقول لك لا تكن ضمن صفقة ...
كن صلاح المضف ...!!!

هل انت قادر على ذلك ...؟؟؟
ترقبونا ...

الأحد، 10 يوليو 2011

امبراطورية كتلة العمل الوطني ...!!!


فقط بخمسة اصوات داخل مجلس الامة تملك فيها الحكومة ...!!!
خمسة اصوات تملك فيها حتى رئيس الوزراء ...!!!
خمسة اصوات فقط تملك انك تعين كل من ترغب غصبا عن الحكومة كلها ...!!!
خمسة اصوات فقط تملك انك تشيل اي وزير لا يتماشى مع رغباتك ...!!!
خمسة اصوات فقط تملك انك تغير التشكيل الحكومي بلمحة بصر ...!!!
خمسة اصوات فقط تقدر انك تزور باي شي تبيه حتى وان كان مال عام ...!!!
خمسة اصوات يتحكمون بهيبة الاسرة الحاكمة ...!!!
خمسة اصوات فقط هي مجموع اصوات كتلة العمل الوطني ...؟؟؟
مشكلة لما تكون السياسة اوصخ مما يتخيله البعض ...!!!
خمسة اصوات تقدر من خلالها انك تجذب على الناس ...؟؟؟
خمسة اصوات تقدر فيها تعين كل ربعك بالمناصب الحساسة حتي وان كانوا خرطي ...!!!
....................................................................................................
تتذكرون لما وقف عادل الصرعاوي ومرزوق الغانم بمجلس الامة ...
واطرحوا مصطلح دولة احمد الفهد ...؟؟؟
وقالوا ان احمد الفهد يمثل دولة وان يتحكم بكل مقدرات الدولة ...!!!
بس السؤال منو شال هالدولة ...؟؟؟
مو كتلة العمل الوطني ...؟؟؟
يعني كتلة العمل الوطني اقوي من الدولة ...!!!
يعني ممكن ان نألف مصطلح امبراطورية كتلة العمل الوطني ...؟؟؟
اقولكم شلون ...؟؟؟
كتلة العمل الوطني غيرت التشكيل الحكومي وخلت رئيس الوزراء ينقلب على احمد الفهد ...!!!
خلته ينقلب على الي من لحمه ودمه عشان يظل رئيس وزراء ...!!!
على الرغم ان نفسة رئيس الوزراء كان يقدر ان يجنب احمد الفهد كل الي صارله ...!!!
ولكن رئيس الوزراء اتفق وهذا كلام قلناه بالمدونة على الغاء احمد الفهد ...
الامر الاخر اختيار عبدالوهاب الهارون وزير الدولة لشئون التنمية ...!!!
طبعا اختيار الهارون كان بدعم من مرزوق الغانم ...!!!
الحين مرزوق الغانم حط صاحبه في مشاريع التنمية يعني ابشروا بالمناقصات كلها لمرزوق ...!!!
بس الكارثة اختيار صلاح المضف المدير العام لبنك التسليف ...!!!
وان كان الموضوع حتى هذه اللحظة معلومات من مصادرنا ...!!!
الان ان اسم صلاح المضف فعلا مطروح من قبل النائبة "الوطنية" اسيل العوضي ...!!!
صلاح المصف الي فشل بكل المقاييس سواء في انتخابات مجلس الامة وصولا الي انتخابات التحالف الوطني ...!!!
اليوم صلاح المضف الي ما عنده قبول في الشارع راح يكون مدير عام ينك التسليف ...!!!

صلاح المضف الي كان فاشل دراسيا ...!!!

صلاح المضف الي نزل الانتخابات وياب اقل من 300 صوت ...!!!

صلاح المضف الى قاتل ان يكون الامين العام للتحالف وربعة ما صوتوا له ...!!!

الي لو ينزل عامل نظافة راح يحصل على اصوات اكثر منه ...!!!

الي سلوى المطيري يابت اصوات اكثر منه ...!!!

المهم ...

ولكن صلاح المضف عنده ميزه حاليا ...!!!

ان جزء من امبراطورية كتلة العمل الوطني ...!!!

ولاجل عيون هالامبراطورية ...

ولاجل عيون الامبراطور مرزوق الغانم وجاريته اسوله الكتكوته ...

راح يخلونه مدير عام بنك التسليف ...!!!

والله مهزله واكبرها من مهزله ...!!!
انا الحين كلامي بوجهه لرئيس الوزراء ناصر المحمد ...!!!
وبذكرة بكلام قاله صلاح المضف عن حكومته ...!!!
هالكلام قاله بتصريح صحفي ننقل لك يا سمو الرئيس النص بالكامل "ان الأسرة تريد بالإضافة الى الحكم التجارة والسياحة والرياضة وستطلب غدا الفن أيضا، مؤكدا انه يجب ان تكون حسبة الحكم للحكم وأن تكون الأمور الأخرى للمواطنين والمختصين.
وأوضح المضف في تصريح صحفي ان بداية انهيار أي دولة يبدأ عندما تسود الفوضى لعدم تطبيق القوانين، لافتا الى ان ما يحدث في الرياضة الآن هو أكبر مثال على ذلك، قائلا «ناقوس الخطر يدق في بلدنا في ظل غياب وفشل الحكومة في ادارة شؤون البلاد».
ووصف حال البلد في الوقت الحالي بأنه يعيش في ظلام دامس، والله يستر على ما هو آت في الأيام القادمة."
تتوقع يا سمو الرئيس صلاح المضف شنو زاد علي حكومتك الي انت تراسها ...؟؟؟
يقول المضف بالنص "وارجع المضف سبب الفساد الاداري الموجود في البلاد الى الحكومة، ومجلس الامة ايضا يكرس هذا الفساد، وخاصة نواب الازمات، لافتا الى ان الحكومة تضحك على نفسها عندما تتصور ان بإمكانها ان تنفذ خطة تنموية في ظل وجود جيش من الموظفين غير المؤهلين لذلك سواء كانوا مواطنين او وافدين.
واشار المضف الى ان اكبر دليل على تخبط الحكومة عندما تم اقرار قانون الخصخصة بشكل معيب، في الوقت الذي تم فيه اقرار الكوادر الحكومية، متسائلا: ماذا نسمي هذه التناقضات وهل هذه نظرة جادة نحو التنمية ام انه ضحك على الذقون؟"
هذي يا سمو الرئيس وجهة نظر شخص انت راح تخليه المدير العام لبنك التسليف ...!!!
بس لأنها خمس اصوات فراح تدوس على الكل عشانهم ...!!!
ولأنها خمسة اصوات ماراح تهتم ...
لان المعروف ان من يعارضك ويساومك هو من يحصل على ما يريد ...
وفعلا نحن كلنا نعيش حاليا امبراطورية كتلة العمل الوطني ...
طبعا البعض راح يقول ان كتلة العمل الوطني سته اعضاء وليست خمسة ...!!!
وهذا كلام صحيح وبنفس الوقت غير صحيح ...
وراح نكشف لكم عن العضو السادس الي عمليا قدم استقالته من كتلة العمل الوطني ...
ترقبونا ...

السبت، 9 يوليو 2011

شنو هالخوف من الاسئلة يا مرزوق الغانم ...؟؟؟


لنواب مجلس الامة حق اصيل يتمثل في تقديم الاسئلة البرلمانية ...
وان كان البعض منها اسئلة مالها اي قيمة ولا معنى ...
الا ان كما الاستجواب فان الاسئلة حق اصيل ...
الكل تابع لعب شركة مرزوق الغانم الخاصة بالأنترنت ...
ولان مرزوق الغانم محد واقف بويه ...
ولان يعتقد بان بعد ما قدر يفاوض رئيس الوزراء على شيلة احمد الفهد ...
وهو كلام قلناه في مدونة بيت الشعب ...
مرزوق الغانم يعتقد بان لن يتمكن احد بالحكومة ...
وطبعا بمباركة رئيس الوزراء ناصر المحمد ...
ان يوقف ضده ...
او يعارض ويفضح العفن السياسي الي قاعد يمارسه ...
البعض ليش تهاجم مرزوق الغانم ومجموعة كتلة "لا" الوطني ...
وقلت هالكلام وراح اكرره ...
احنا مشكلتنا اليوم ان من يقوم ان يدافع عن الدستور ...
ويقول ان الوطنية مسطرته ...
ويقول ان الكل سواسيه عنده بحكم الدستور ...
وهذا كلام كتلة "لا" الوطني ...
ولكن الواقع يقول عكس هالكلام ...
وهالناس ونوعية هالنواب لازم وواجب علينا ان نفضحها ...
والا لا خير فينا في حماية الدستور ...
المهم مرزوق الغانم هدد ...
اي نعم هدد الوزراء بسرعة الاجابة على الاسئلة التي تتعلق بشركاته ...
البعض يقول ما فيها شيء الولد "حلوه ولد" يبي يبين الحقائق ...
وهذا الظاهر للناس ...
واتهم زملاءه النواب بانهم اذيال لسراق المال العام ...
الحين الي يسال من النواب عن سوالف مرزوق الغانم صار من ربع سراق المال العام ...
تعال مرزوق الغانم ذبحتنا بسوالف سراق المال العام ...
ليش ما تصير ريال لو مره بحياتك وتقول اسمائهم ...؟؟؟
وليش ايضا ما تصير ريال وتقدم اسئلة عنهم ...؟؟؟
ولا هذي الأسطوانة المشروخة الى دائما ما تتغنى فيها ولا احد فاهم كلمات الاغنية ...
مرزوق الغانم يدري ان راح تطلع فضائح من الاجوبة ...
وكلام مرزوق الغانم بالظاهر ان يبي يكشف الحقائق ...
ولكن مرزوق الغانم يبي يوصل رساله للوزراء ...
مثل ما شلت احمد الفهد راح اشيلكم ...
لان مرزوق الغانم صاير "دلوع" او "المدلل" عند رئيس الوزراء ...
وانا اجزم بان الوزراء راح يجاوبون الشريف منهم راح يكشف كل الحقائق ...
والباجي وبأوامر من رئيس الوزراء راح يطمس الحقائق ...
كله لأجل عيون الامور مرزوق الغانم ...
مرزوق الغانم بسالك ...؟؟؟
كلامك هذا مو تدخل بالسلطة التنفيذية ...
وتدخلك بالسلطة التنفيذية مو مخالف للدستور ...
ولا انت دستورك ومسطرته غير عن الي موجود عند الناس ...
ترقبونا ...

الأربعاء، 29 يونيو 2011

كتلة "مهزلة" العمل الوطني ...!!!


تتذكرون لما نشوف كتلة العمل "لا" الوطني ...
بين وقت ووقت تقول ...
ان مسطرتها وحدة ...
والي نفهمه ان المفروض اي كتلة ...
على الاقل يكونون على قلب واحد ...
او ان يكون لهم راي واحد ...
بس جماعة كتلة "مهزلة" العمل الوطني ...
مختلفين شويه ...
مو لانهم خليط بين افكار ...
وعلى فكرة ولا واحد دون استثناء من مجموعة الكتلة فكرة وطني ...
واتحداكم تقولون لي العكس ...
خلوني اعطيكم امثلة ...
المثال الاول ...
التصويت على عدم التعاون مع سمو رئيس الوزراء الاخير ...
شوفوا التصويت من قبل كتلة "مهزلة" العمل الوطني ...
-النائب عبدالرحمن العنجري : مع عدم التعاون
-النائب عبدالله الرومي : مع التعاون
-النائب مرزوق الغانم : ممتنع
-النائبة اسيل العوضي : ممتنع
-النائب عادل الصرعاوي : ممتنع
صراحة كتلة جهنمية ...
شنو هالكتلة الوطنية الي حتى راي واحد بقضية وحدة ما عندهم ...
لا وازيدكم من الشعر بيت ...
الحبايب في كتلة "مهزلة" العمل الوطني نزلوا بيان ...
الكل وقع عليه ما عدا عبدالرحمن العنجري ...
صراحة كتلة سياسية اصيلة ...
شنو هالمسطرة السياسية العجيبة ...
.....................................................................................
المثال الثاني ...
التصويت على كادر المعلمين والطلبة ...
عادل الصرعاوي كان توصيته غريب عجيب ...
-اول مرة كان تصويته بالامتناع ...
-ثاني مرة ما كان موجود ويقولون ان كان بالحمام ...
-ثالث مرة كان تصويته بالرفض ....
وبالمناسبة تصويته الثالث كان بالتوافق مع الحكومة ...
ليش محد قال ان عادل الصرعاوي غير مبادئه ...
بس الصراحة ان ما الوم عادل الصرعاوي ...
لان قرارة مو بيده ...
مرزوق الغانم كان يبي يوصل رسالة للحكومة ...
ان احنا نقدر نلغي او نمشي اي قانون تبونه ...
وان مرزوق الغانم يملك زمام الامور في كتلة "مهزلة" العمل الوطني ...
بس سؤال لك يا عادل لي متي يمشيك مرزوق الغانم ...
ترا كلها 3000 الاف دينار ...
انت ولد خير ونعمة ماله داعي تسوي هالشي ...
ترقبونا ...

الأحد، 12 يونيو 2011

افا يا ناصر المحمد ...!!!


قلنا بأكثر من مناسبة في مدونة بيت الشعب ...
ان احنا نعتقد بان ناصر المحمد لديه نقاط ضعف كثيرة ...
ولكن الفرق بان اسلوب المعارضة مختلف عن ما يقوم به هؤلاء ...
ومع ذلك كتبنا لأننا نريد الوصول للحقيقة ...
لما كتبنا عن بشار كيوان كنا نبي نقول وبكل بساطة ...
هذا خطر على الكويت ...
بل ان بشار كيوان وعيني عينك عنده عمليات غسيل اموال ...
بشار كيوان سوري ...
ويتحكم بسوق الاعلانات بالكويت ...
بالكويت مو بسورية ...
لا كل هذا بالكويت ...
ولما انكشف الغطاء ...
وطلعت فضائح بشار كيوان ...
ما لقينا التفاعل المطلوب ...
الحقيقة ان هالموضوع كان محل استغراب بالنسبة لنا ...
ولكن لما عرفنا السبب كانت الصدمة ...
تتوقعون منو الى كلم بشار كيوان وعرض عليه خدمات قانونية ...؟؟؟
وقاله بالحرف ان كلف محامي يبحث مدى قانونية وجودة بالكويت ...!!!
تتوقعون منو ...؟؟؟
الكل ما راح يصدقنا ...
بس مثل ما تكلمنا عن بشار كيوان ولا صدقنا احد ...
اكيد هالمرة ما راح يصدقنا احد ...
بس الايام بينا ...
الى عرض عليه كل هالمساعدة ...
رئيس مجلس وزراء دولة الكويت ...
سمو الشيخ ناصر المحمد ...
مو مصدقين ...؟؟؟
ما الومكم ...!!!
لان لما وصلتنا هالمعلومة ما صدقنا ...
بس مثل ما قلنا الايام بينا ...!!!
بس الى بنقوله ...
معقوله يا ناصر المحمد ...
معقولة توقف مع سوري ضد ولد ديرتك ...
ماكان الاولى ان توقف مع ولد ديرتك ...
وتوفر على اقل تقدير الحماية القانونية والامنية له ...
ماكان الاولى يا ناصر المحمد ان تكلف وزير الداخلية يعطيك التقرير الخاص ببشار كيوان ...؟؟؟
ولا لان بشار كيوان له علاقات تجارية مع بعض نواب كتلة العمل الوطني ...
قلت ميخالف المهم انا والباجي مو مهم ...
انا بعد ما شفت شلون باع ناصر المحمد شيخ من لحمه ودمه...

لأجل ان يبقى رئيس الوزراء ...
ما استغرب هالشي منك ...
افا يا ناصر المحمد ...
بشار كيوان رئيس وحدة الاستخبارات السورية في الكويت ...
يعني جاسوس ضد ديرتك ...
ضد وطنك ...
ضد علمك ...
ضد دستورك ...
وضد اميرك ...
كل هذا مو مهم ...؟؟؟
المهم انك تبقى ...
افا يا ناصر المحمد ...
ترقبونا ...

الجمعة، 10 يونيو 2011

مشكلة لما سوري يتحكم بتحكم بوزير داخلية كويتي لا وشيخ ...!!!



الكثير بلغني بان موضوع بشار كيوان غير واضح ...
والمشلكة اننا في بيت الشعب اول من تكلم عن خطر بشار كيوان ...
المشكلة ان بشار كيوان موجود بكل مكان ...
بل ان بشار كيوان وصل لمرحلة يتحكم في المناقصات العسكرية للكويت ...
بس قبل لا نبدأ ...
لازم نرد ونقول قصة بشار كيوان ...
.....................................................................................
ولد بشار كيوان سور الجنسية في الكويت من عائلة فقيرة ...
والده كان يعمل في البرادي في مجمع الاندلس ...
ولن بشار كيوان ذكي جدا ...
تبناه واحد من قيادي البعث لان شاف فيه ان مميز وراح ينفع حزب البعث ...
وطبعا بشار كيوان ذكي ويبي يبرز ...
كانت المكافاة لبشار كيوان بعثة دراسية لفرنسا ...
وهناك بشارم تعمق في فرنسا ...
وكون علاقات مع المافيا الفرنسية ...
الى بدورها عرفته على كبار المسئولين في فرنسا ...
طبعا هالشي سواه بأوامر من حزب البعث ...
وبعد ما تخرج بشار كيوان ووصل حق الي كان مخطط له في فرنسا ...
رجع للكويت ...
حزب البعث كافئ بشار كيوان لتحقيقه كل الانجازات في فرنسا ...
بس شنو كانت المكافاة ...
تتوقعون شنو ...؟؟؟
ان يكون رئيس المخابرات السورية في الكويت ...
شفتوا شلون الوفاء للكويت ...
حقيقة انسان شريف هذا بشار كيوان ...
المهم كانت الخطة ان يتعرف بشار كيوان على واجهة اجتماعية وسياسية مختلفة ...



راح وتعرف علي صباح جابر المبارك الصباح ...
وهذا يا جامعة ولد وزير الدفاع الحالي جابر المبارك ...



ومثل ما قلنا ان بشار كيوان انسان ذكي جدا جدا ...
بشار كيوان عرض على ولد وزير الدفاع مشروع ...
المشروع الاول كان الوسيط ...
وفي معلومات ان بشار كيوان قال حق صباح المبارك ...
ان ما يبي منه ولا فلس ...
كل الي يحتاجه ان يكون واجهة اجتماعية وسياسية ...
وفي المقابل صباح المبارك يحصل على حصته من هالمشروع ...
وبعدها عرض عليه مشروع شوووت ...
وكون ثروة مو طبيعية في الكويت ...
ولان بشار كيوان انسان ذكي ...
قدر ان يوصل حق وزير الدفاع جابر المبارك ...
وبسرعة صاروخية تحول الى مستشار لوزير الدفاع ...
والكارثة ان وزير الدفاع قام ويستشيره بالمناقصات الى تخص وزارة الدفاع ...
طبعا كل هالمعلومات توصل لسورية ...
والله قهر كويتي يستشير سوري بأمور تخص الكويت ...
المهم شنو استفاد بشار كيوان من علاقته مع وزير الدفاع جابر المبارك ...؟؟؟
اول شيء صفقة صواريخ الرافال الفرنسية بقيمة تصل الى 16 مليار دولار ...
تتذكرون اول الكلام ان بشارك كيوان كون علاقات قويه في فرنسا ...!!!
المفاعل النووي الفرنسي ...
المضحك ان الكويت الدولة الوحيدة في العالم الي تبي تسوي اتفاق مع فرنسا ...
الزوارق الفرنسية الي اثبتت فشلها مو بس في الكويت ...
بل ان التقارير الفرنسية اثبتت فشل هالقوارب واحنا لا بالعكس شريناها ...
كل هذا والله يعلم عن المخفي من ورا بشار كيوان المسئول الاول عن المخابرات السورية في الكويت ...
طيب السؤال الجوهري ...
كل هالملايين من وين يت ...؟؟؟
الجواب بسيط وهذا كلام احنا قلناه ...
يا جماعة الموضوع غسي اموال ...
وكل هذا بمباركة وزير الدفاع وولدة ...
وطبعا كل هذا بمباركة رئيس الحكومة ناصر المحمد الي يدري بكل هالتفاصيل ...
اي نعم يدري ...
والدليل ان ما تعب نفسة ان يطلب من وزير الداخلية ان يحقق بموضوع بشار كيوان ...
قبل لا اختم ...
بقول شغلتين ...
الاول ان وزير الدفاع كان يبي يخدم بشار كيوان ...
عرفه على مستشارة الثاني خالد هلال ...
والدليل عرضناه في الموضوع السابق والاتفاق بين جريدة الجريدة وبشار كيوان ...
والثاني شنو علاقة رئيس الحكومة في بشار كيوان ...؟؟؟
ترقبونا ...

الاثنين، 6 يونيو 2011

فعلا صدام ما مات ...!!!


بتاريخ 12 نوفمبر 2010 ...
كتبنا موضوع في المدونة تحت عنوان ...
صدام ما مات !!

المشكلة كانت وقتها ان الكثير ما صدقنا ...
والكثير اتهمنا باننا نحاول خلط الاوراق ...
اليوم انكشف الموضوع ...
وطلعت الحقيقة من خلال تقديم البلاغ الاول بين خمس بلاغات ...
تتوقعون عن شنو ...؟؟؟
وضد منو ...؟؟؟
من هالبلاغات ...
غسيل اموال ماهر الاسد في الكويت من خلال بشار كيوان وجريدة البلد ...
والبلاغ الاخر كارثة وراح يكشف اسماء بكل قطاعات الكويت ...
وهو بتكوين شبكة غير أخلاقية ...!!!
وذلك لتحصيل موافقات على معاملات رسمية وإعلانات بطرق غير شريفة ...!!!
وان هناك شهادات لنساء تم استقدامهم خصيصاً لهذا الأمر...؟؟؟
الله اكبر ...
شنو كالوضع الخطير ...
الكويت فيها كل هذا ...
واحنا كنا اول من تكلم عن هالموضوع...
ومع ذلك محد صدقنا ...
بس اليوم في بلاغ للنائب العام ...
وياريت تقرون
جريدة الان الالكترونية للتفاصيل اكثر ...
ونكرر بشار كيوان شريك صباح جابر المبارك ...
ولد وزير الدفاع الشيخ جابر المبارك ...
طبعا بشار كيوان مازال يعمل للمخابرات السورية ...
الي بالمناسبة كون شبكات بالكويت ...
بس منو الي راح يقدر يتكلم عنها ...
قبل هالشي ...؟؟؟
ولان بشار كيوان شريك صباح جابر المبارك ...
منو الى علاقته اكثر من طيبه مع جابر المبارك ...؟؟؟
اكيد جريدة الجريدة وبالخصوص محمد الصقر وخالد هلال ...
والدليل ان جريدة الجريدة وقعت عقد مع بشار كيوان ...!!!



يعني باختصار يمكن ان نقول بان بشار كيوان وخالد هلال شركاء ...!!!
ونعود لنكرر ...
غسيل اموال ...
شراء ضمائر ...
جلب نساء للحصول على موافقات لمعاملات ...
يعني الاتجار بالنساء ...
وفي معلومات اخطر ...
السؤال الجوهري هني ...؟؟؟
هل يقدر نواب كتلة العمل الوطني ...
وهم اسيل ومرزوق وصالح والعنجري واكيد الصرعاوي ...
انهم يتكلمون عن هالموضوع ...؟؟؟
الايام راح تبين لنا كل الحقيقة ...

ترقبونا ...

الأربعاء، 1 يونيو 2011

راس احمد الفهد على طبق من ذهب ...!!!


قبل لا ادخل بالموضوع ...
لازم ناكد على قضية مهمة ...
ان مدونة بيت الشعب ماهي مع احمد الفهد ولا حتى مع اي وزير ولا نائب ...
وهالكلام اكدناه بأكثر من مناسبة ..!!!
ولكن هدفنا ...
ان نكشف الحقيقة مهما كانت ومهما كانوا اصحابها ...!!!
جلسة مجلس الامة الاخيرة الى حصل فيها المشادة بين مرزوق الغانم وعادل الصرعاوي ...
وبين الوزير احمد الفهد ...
السؤال الجوهري الي محتاجين ان نعرفه ...
ليش ...؟؟؟
ليش نواب كتلة العمل "لا" الوطني ...
او بالأحرى مرزوق الغانم كان همه الوحيد الاطاحة او التشهير بأحمد الفهد ...
لو تراجعون مواضيعنا السابقة راح تلقون ان وبأكثر من مناسبة ...
اكدنا فيها ان مرزوق الغانم همه الوحيد الجانب التجاري من وجودة في المجلس ...
وبالتالي لو تلاحظون اي وزير يكون بصف مرزوق الغانم ...
او الوزير الى يمشي شغل مرزوق الغانم ...
يكون بالسليم ولا اورع من هالوزير بعين مرزوق الغانم ...
ولان احمد الفهد عنده مشاريع التنمية كلها ...
الى حسب المعلومات تقدر بأكثر من 37 مليار دينار كويتي ...
ولان احمد الفهد – بالكويتي – ذل مرزوق الغانم في الحصول على المشاريع ...
والى تقريبا ما شاف منها شيء الا القليل ...
مرزوق الغانم يدري وبدون اي شك ان حجر العثرة بينه وبين مشاريع التنمية هو احمد الفهد ...
واكيد تعرفون الخلاف القديم والجديد بينهم ...؟؟؟
فالحل الوحيد ان يلغي وجود احمد الفهد من الحكومة وبعدها راح يلعب لعب ...
بس المشكلة كانت ان احمد الفهد جزء من حكومة ناصر المحمد ...!!!
وناصر المحمد محتاج دعم كتلة العمل الوطني ...
ومحمود حيدر علاقته ايضا طيبة مع ناصر المحمد ...
وكتبنا من قبل ان محمود حيدر عدل علاقته مع مرزوق الغانم ...
فكان الاتفاق بين مرزوق الغانم ومحمود حيدر واكيد جاسم بودي ...
على ان مصلحتهم كلهم التخلص مع احمد الفهد ...
وهالاتفاق وضع امام ناصر المحمد ...
وكان ناصر المحمد امام خيارين الاول انهم يكونون معاه ...
والثاني ان يعطي الضوء الاخضر للتخلص من احمد الفهد ...!!!
وطبعا تم الاتفاق على التخلص من احمد الفهد ...
مشكلة احمد الفهد ان ما توقع او ما كان يعرف بالاتفاق هذا ...
وتوقع احمد الفهد ان الدعم الى عنده من سمو الامير كافي ان يكون هذا الدعم عن ناصر المحمد ...
ولكن الصدمة كانت بالنسبة له في الجلسة الاخيرة ...
احمد الفهد المعروف تاريخيا ان يقدر يتلاعب بالنواب كلهم ...
وانا اعتقد ان احمد الفهد راح يكون شخص مختلف عن الفترة الماضية ...
او بالأحرى راح اكون احمد الفهد الى كان بحكومات صباح الاحمد سابقا ...
..............................................................................................................
ولان مرزوق الغانم حصل على الضوء الاخضر في عمل كل شيء ...
للإطاحة بأحمد الفهد ...
فكان شخص مختلف تماما في الجلسة الماضية ...
على سبيل المثال الكلمات والاسلوب والمصطلحات الى استخدمها اول مرة يستخدمها ...
لان يعلم بان ناصر المحمد بصفه ...
الهجوم العنيف والغبي بنفس الوقت على احمد الفهد كان مختلف عن شخصية مرزوق الغانم ...
لان يعلم بان ناصر المحمد بصفه ...
المشكلة الى يعاني منها احمد الفهد ان يواجه جبهتين ...
وهذي بالمناسبة او مرة تحصل له في تاريخه ...
الجبهة الاولي نواب المعارضة – ولا اني ما اعتقد انهم معارضة – من الكتل الاخرى ما عدا الوطني ...
الى من الصعب ان يلعب معاهم سياسيا لانهم ضده وضد الحكومة بكل عام ...
والجبهة الثانية مرزوق الغانم وربعه بدعم من ناصر المحمد ...
ومع ذلك مازال احمد الفهد يملك اسلحة ومن أقواها سمو الامير ...!!!
...............................................................................................................
الي بقوله باخر الكلام ...!!!
مرزوق الغانم يبي يكون شخصية قويه ...
واحنا في المدونة حددنا الاسباب باكثر من موضوع ...
ان مرزوق يبي يكون الاقوى والاوحد سياسيا في الكويت ...
وان يكون اقوى شخصية سياسية في الكويت ...
لان القوي سياسيا هو بالواقع قوي تجاريا ...
وهو يشوف مسلم البراك ماشي كل شغله بالحكومة خوفا منه ...
فقال اكون نفس مسلم البراك واصارخ ...
بس مرزوق الغانم هذا مو لونك ولا طبعك ...
والاهم كونك دلوع الماما والبابا ما يلوق عليك حبيبي ...
وراح تشوفون مرزوق الغانم باللون هذا بكل الجلسات ...
وعشنا وشفنا دلوع الماما والبابا يصارخ ...
ترقبونا ...

الثلاثاء، 3 مايو 2011

مرزوق الغانم البديل عن ناصر الخرافي ...


موضوع اليوم حساس شويه ...
ولان في بيت الشعب ما عندنا شي اسمة خط احمر ...
لاننا نعتقد بان الخط الاحمر وهمي ...
وماله اي معني ...
لان الحقيقة والسعي للوصول اليها لازم ما يكون جدامها خطوط حمراء ...
عجبتني المقدمة الى الان ...
مرزوق الغانم وما ادراكم ما مرزوق الغانم ...
قبل تقريبا شهرين ...
اتصل المرحوم ناصر الخرافي بكل اخوانه وخواته ...
وطلب منهم ان يحولون كل الوكالات الي باسمهم الي ناصر الخرافي ...
لان وهذا قلناه ان الخرافي كانت تعاني من ازمة مالية ضخمه ...
طبعا كل الاخوان وافقوا ما عدا فايزة الخرافي ...
ليش فايزة ما وافقت ...؟؟؟
او بالاحرى ليش مرزوق ما وافق ...؟؟؟
فايزة كلمت ولدها الحبيب الدلوع مرزوق وقالت له عن طلب اخوها ناصر الخرافي ...
مرزوق عصب وقالها اكيد لا ...
وبكل قلة ادب كلم عمه ...
وشنو تتوقعون قاله ...؟؟؟
قاله انا موافق ان امي تحول كل الوكالات باسمك بشرط ...
وشنو هالشرط يا قراءنا الاعزاء ...؟؟؟
ان مرزوق الغانم يكون شريك بكل شركات الخرافي ...
طبعا ناصر الخرافي زفه ...
ويقال ان تفل بويه ...
.................................................................................................
بعد ما توفى ناصر الخرافي ...
وبالخصوص في التابين الى عملته جمعية الثقافة التابعه لجماعة حزب الله الكويت ...
ولان ناصر الخرافي كانت له مواقف كبيرة مع جزب الله ...
وبالخصوص مع حسن نصر الله ...
شنو قال مرزوق الغانم في التابين ...؟؟؟
ولان الجمعية شيعية فقال مثل ماخوذ من الامام علي "عليه السلام وايضا كرم الله وجهه" ...
عشا نربط بين الشيعة والسنة او العكس ...
وكلاهما واحد ...
نرجع لمرزوق طبعا قال هذا المثل عشان يضمن اكبر قدر من تعاطف الشيعة الحاضرين ...
بس لما قال ان ناصر الخرافي دعم المقاومة اللبنانية الشريفة الابيه ...
هني ودي اقول شي بالموضوع هذا ...
مرزوق متي تكلم عن المقاومة اللبنانية الشريفة ...؟؟؟
ومتي دافع عن عنها ...؟؟؟
ولا لان الموضوع شي خبايا ...
والخبايا باخر الكلام راح اقوله لكم ...
نرجع لكمة مرزوق الغانم المدافع عن المقاومة ...
وبعدها حبيب الماما استشهد بكلمة قائد المقامة سماحة السيد حسن نصر الله ...
ترا اختياره للكلمات وايد كان مهم ...
طبعا يدري ان الحضور اغلبة مؤيد لحسن نصر الله ...
وطبعا اكيد راح يكسبهم بصفه ...
بس لما وجه كلمته للحضور بانهم المخلصين والشرفاء ...
وانا ما اشكك بالكلام ولا اتهم احد ...
ولكن ...!!!
ليش قالهم هالكلام ...؟؟؟
وليش مرزوق الغانم حاول ان يجذب بالذات جماعة حزب الله ...؟؟؟
طبعا مرزوق الغانم عنده اكثر من هدف ...!!!
الهدف الاول ...
مرزوق يبي يجذب الشيعة في الكويت للانتخابات وهذا امر واضح جدا ...
الهدف الثاني ...
وهذا المهم بالنسبة له ...
مرزوق الغانم يدري ان من الناحيه التجارية لا يوجد بديل عن ناصر الخرافي ...
وهذي بالنسبة له فرصة ذهبية ...
للاستحواذ على المناقصات الى كان يتم ترسيتها على مجموعة الخرافي ...
بل ان مرزوق الغانم لما غازل حسن نصر الله ...
يبي يكون الراعي للمشاريع الى كان من المفروض ان تقيمها مجموعة الخرافي في لبنان ...
وبالذات في الجنوب ...
هذه اللعبة التجارية ...
مرزوق الغانم فنان من الطراز الاول فيها ...
بعد ما اقصى عمه وحتى ابوه وامه ...
وصار الكل بالكل ...
الحين بحاول ان يبرز كبديل تجاري مهم ...
والدليل ان مرزوق الغانم اقنع جماعته في كتلة العمل "الطل" الوطني ...
انها تسحب استجواباتها كلها ضد رئيس الوزراء ...
وانها تدعم رئيس الوزراء بكل شي ...
لان مشاريع التنمية محتاجه شخص يتبناها ...
ومرزوق الغانم بعد وفاة ناصر الخرافي راح يحاول ان يكون البديل ...
خصوصا وان مجموعة الخرافي عمليا خسرانه وعليها ديون لا صارت ولا استوت ...
مرزوق الغانم ما عنده مشكلة يبيع نفسة فقط لاجل ان يكون الرجل الاوحد ...
وطبعا الكل وبدون جدل كاشفه ...
لان التاريخ لا يمكن ان يلغى ...
مرزوق الغانم لعبتك مكشوفه ...
ولعبتنا احنا ان نستمر في كشفك ...
ولان مرزوق ملك الافلام ...
قلنا نهديك هالفلم ...!!!

ترقبونا ...

الثلاثاء، 26 أبريل 2011

صالح الملا وين كلامك عن المال العام ولا لان الموضوع فيه عمامك ...؟؟؟


في تاريخ 4 نوفمبر 2010 وفي مدونتنا ...
كتبنا موضوع "الخبر عند بوصلوح" ...
واكيد تتذكرون لما قلنا ان صالح الملا الي يقول عن نفسة نائب وطني ...
شلون وقف في استجواب وزير الدفاع ولأول مرة يدافع عن شيخ ...
وشلون استذبح عن الدفاع عن صفقة الرافال ...
وشلون بالجلسة قاتل قتال الابطال وتحول الى روبن هود يدافع عن المظلوم ...
وكشفت لكم بالموضوع الي كان في 4 نوفمبر 2010 ان مدير مكتب جابر المبارك ...
زوج بنت عمة صالح الملا صالح الحميضي ...
وان صالح الحميضي كان المسئول عن تربية صالح الملا ...
يعني باختصار وهذا قلته ...
ان كلمة صالح الحميضي ما تصير ثنتين عن صالح الملا ...
طبعا لا تنسون صالح الملا عور راسنا من كثر ما يقول عن نفسة ان وطني ...
وان الدستور مسطرته ...
طل مسطرته ...
كل هالكلام اذكركم فيه وبنفس الوقت خلوه على جنب ...
شلون ...؟؟؟
الموضوع الي محد يدري عنه ...!!!
موضوع المدفع الصيني الي احترق ...
وصالح الملا بالذات يدري عنه ...!!!
ولكن صالح الملا الانسان الوطني "الطل" مو قادر يتكلم عنه ...
لــــــــــــــــــــــيش ...؟؟؟
عشان نقدر نجاوب على هالسؤال لازم نعرف منو وكيل المدفع الصيني ...؟؟؟
تتوقعون منو الوكيل ...؟؟؟
وكيل الدفع الصيني الدكتور سعاد الصباح ام محمد العبدالله ...
طيب شنو علاقة صالح الملا بسعاد الصباح ...؟؟؟
الاجابة بسيطة يا جماعة ...
سعاد الصباح تصير بنت خالة صالح الملا ...!!!
راح تقولون اوكي بنت خالته ...
يعني لأنها بنت خالته لازم يدافع عنها او يتستر عليها ...؟؟؟
انا اقولكم ليش الحبيب الوطني والدستوري صالح الملا ملزوم ان يدافع عنها ...!!!
السبب الاول ...
ان سعاد الصباح وولدها محمد العبدالله اسسوا صندوق خيطان ...
شنو صندوق خيطان ...؟؟؟
هذا يا جماعة الصندوق يطلع وقت انتخابات مجلس الامة ...
مهمته وبكل بساطة ان يشتري اصوات لصالح الملا ...
لا تستغربون اي يا جامعة صالح الملا يشتري اصوات ...
وهذا الصندوق مسئول عنه واحد اسمة على بوحديده ...
السبب الثاني ...
شفتوا بيت صالح الملا الي باليرموك ...؟؟؟
خوش بيت ومساحة طيبه ...
وبنيان ممتاز وموقع استراتيجي ...
هذا البيت كان عطيه من سعاد الصباح ...
طبعا صالح الملا يقول ان شاري هالبيت من ورث ابوه ...
لا يا جامعة هالبيت الحلو هديه ...
لا والله مو هديه بالعكس هذي شراء ذمة نائب ...
ومقابل اتعابه على الجهود الحلوة الى يسويها في الدفاع عن سعاد وجابر المبارك ...
افا يا صالح ...
والله انك رخيص ...
انت ولد الخير والنعمة ...
يشترونك بمقابل بيت ...
وين المبادئ الطل ...
وين حقوق المواطنين وحماية الاموال العامة ...
طلع الموضوع خرطي في خرطي ...
طلع ان لك عمام ...
اي نعم عمام ما تقدر ترفع عينك في عينهم ...
لانهم شروك بفلوس ...
ترقبونا ...

الأربعاء، 13 أبريل 2011

طز فيك يا ناصر الخرافي والى معاك ...


اليوم راح نتكلم عن موضوع خطير ...
وللاسف ان احنا كشعب مو عارفين كل الخبايا ...
موضوعنا اليوم عن الحرمنه والتلاعب في شركة زين ...
اليوم اسلوب الكلام راح يكون غير ...
اليوم راح اوجه كلامي لمجموعة الخرافي ...
او المجموعة الي يتحكم فيها ناصر الخرافي في مجلس الادارة ...
انا بوجه كلامي له ...
يا ناصر الخرافي ...
انا باكثر من مناسبة قلت ويمكن ناس وايد عارضتني ...
ان انتوا يا الخرافي ما تهمكم الكويت ...
ولا عمركم عملتوا شي لمصلحة الكويت ...
انت تعتقد ان الكويت دولة مؤقته ...
ارض فيها فلوس ومشاريع ...
ويوم من الايام راح تخلص هالفلوس ...
وقبل لا تخلص فلوس الكويت تبي تضمن انك تاكل الجزء الاكبر من الكيكه ...
ولانك خسران ومديون وعندك مشاكل مالية تبيع الكويت ...؟؟؟
باي منطق تفكر ...!!!
اليوم ما عندك اي مشكلة انك تخالف كل القوانين الانسانية والدينية فقط لاجل مصالحك ...
نعم التاجر ما يفكر الا بتجارته ...
ولكن ما فكرت بالكويت ...؟؟؟
ما كفرت انك لما تبيع شركة زين بالطريقة هذي تبيع اخر واهم شركة كويتية ...؟؟؟
ولا هذا مو مهم ...؟؟؟
المهم انت وشركائك والباجي يحترقون ...؟؟؟
نبيل بن سلامة انت الى حطيته وبعد 11 اشهر مكافاة 100 مليون دولار ...!!!
هذا لانك خدم اهدافك ولانك بعد هالصفقة مو مهم عندك شنو راح يكون مصير زين ...!!!
عيب والله عيب ...!!!
انت معتقد لانك الاقوى بالنفوذ راح نسكت عنك ...
لا حبيبي انت غلطان ...
بس لانك خسران فلوسك طز بسمعتك ...
وطز بسمعة الكويت ...
وطز بشركة كويتية وبنت الكويت ...؟؟؟
لا والله طز فيك انت ...
وصفقتك ما راح تتم ...
والى وراك وشركائك راح يلعنهم التاريخ ...
ترا انت طايح طايح لو تبيع عيالك ...
عاد من زين عيالك ...
ولا من زين اخوك ...
انت معتقد لانك شريت جم نائب الناس ما راح تكشفك ...
انت اليوم حطيت رئيس الوزراء بخانه حقيرة ...
وخليت الكل يتهم ناصر المحمد ان باع زين ...
وهذا مو مهم عندك ...
الصراحة الشرهه مو عليك ...
الشرهه على الحكومة الى ساكته عنك ...
100 مليون دولار هذي مو من فلوسك ...
هذي من فلوسنا كلنا ...
لو كانت من فلوسك طز فيك وبفلوسك وزعها مثل ما تبي ...
هذا اذا فعلا انت عندك 100 مليون دولار كاش ...
باي حق تتنازل عن 377 مليون دولار ديون على شركة زين ...
لا جان زين تتنازل ...
انت تبي تحولها للشركة الى تبي تشتري زبن السعودية ...
يعني باختصار الشركة الي راح تشتري زين السعودية ...
بحسابها راح يكون 377 مليون دولار ...
هذي مو بيع للكويت ولا شنو يا ناصر الخرافي ...؟؟؟
الحكومة ممثلة بناصر المحمد عملت كل شي عشانك يا ناصر الخرافي ...
حتى انها حولت هيئة الاستثمار الى موظف عندك ...
تعلب فيها مثل ما تبي ...
والنواب يهددون ناصر المحمد بالاستجواب على هالموضوع وانت ولا يهمك ...
ولسان حالك طز في ناصر المحمد والحكومة والسلطة ...
بس المهم انت والى معاك ...
ومرة ثانية اقولها لا طز فيك انت ...
الموضوع كبير ويبيله جزء ثاني وثالث ...
ترقبونا ...

الثلاثاء، 29 مارس 2011

نعم يالسعدون انت فيك زهايمر ...؟؟؟

الحقيقة انا مازلت ارفض التعليق على الاوضاع الطائفية التى تمر بالكويت ... وسبب رفضي ... ان ظل هذه الاوضاع يجب علينا جميعا ان نتوحد لرفضها ... واول طريقة لرفضها ... في عدم التعليق عليها ... وخلونا نستعرض الاستجوابات ... ابرك واحسن ...؟؟؟ وعلى هذا الاساس ابي اناقش استجواب عمهم احمد السعدون ... والحقيقة ان النائب سعدون حماد تكلم عن وجود نائب فيه زهايمر ... اول شي اريد التاكيد عليه ان مرض الزهايمر ... مرض او حالة خطيرة ... ارفض اني اتهم احد فيها ... ولكن ... نعم لدينا نواب فيهم زهايمر سياسي ... مو مسلم البراك الف مصطلح الانبطاحيين ... الي هذا اليوم محد فينا يعرف شنو معنى هالمصطلح ... ولكن اليوم انا بالف مصطلح الزهايمر السياسي ... واقصد فيه ان في نواب لديهم هذا المرض الي يمثل ازدواجية الموقف والسلوك السياسي ... ولما نائب يطرح موضوع لاستجواب على قضايا قديمة ووجد لها حل ... او على الاقل تم الاجابة عليها ...!!! هذا اكيد فيه زهايمر سياسي ...؟؟؟ ...................................................................................................... انا اعتقد ان لقاء قناة الراي مع عمهم احمد السعدون يبين لنا حالة الزهايمر السياسي ... والى اي درجة وصل المرض السياسي عند البعض ... قبل لا استعرض ... وهذا كلام قلته باكثر من مرة في مدونة بيت الشعب ... ان تشبث بعض النواب بالاستجوابات كحل نهائي دليل افلاس هؤلاء النواب ... ولكن احنا بالكويت وكل شي عندنا المقلوب ... المهم عمهم احمد السعدون ولقاء قناة الراي ... شنو يقول عمهم السعدون ان في اجتماع شركة زين الى بتاريخ 13/3/2011 ناقش مجلس الادارة عدة امور منها بيع زين السعودية والمكافاةت الخاصة ... كل العالم ما بقول الكويت ... كل العالم يدري عن صفقة زين صارلها اكثر من ثلاث اشهر ... وعن بيع زين الكويت والسعودية ... ولما اردحت شركة الخرافي وكانت تبي تبيع زين الكويت فقط لمصالحها ... ليش ما تكلمت يالسعدون ...؟؟؟ هل لانك خايف وما تقدر تحط راسك براس الخرافي ... والحين توه يتسوعب عمهم احمد السعدون الموضوع وحاطة ضمن بنود استجواب الرئيس ...!!! ثلاث اشهر لو تم بيع زين لكنا خسرنا على الاقل اكبر شركة وطنية كويتية ...!!! هذا مو اسمه زهايمر سياسي ...؟؟؟ ................................................................................................... ومن ضمن بنود الاستجواب موضوع الاغذية الفاسدة ...؟؟؟ انا بسال سؤال مو في لجنة في مجلس الامة لموضوع الاغذية الفاسدة ...؟؟؟ ليش ما احترمت اللجنة واعضائها ...؟؟؟ مو المجلس الي انت تحترمه وافق على تشكيل اللجنة وان تخلص تقريرها خلال ثلاث اشهر...؟؟؟ يعني المفروض ان هاليومين تخلص اللجنة ...!!! وليش ما طالبت بتقرير اللجنة ووين وصل ...؟؟؟ ولا انت ما تدري بالاصل بوجود لجنة لهذا الموضوع ...؟؟؟ بالله عليكم هذا مو زهايمر سياسي ...؟؟؟ لما ساله المقدم منو الي رايح يقدم الاستجواب قال للحين ما حددنا ...!!! شنو يعني ...؟؟؟ شنو هالكتلة الى ما تعرف متي وشلون تشتغل ... ولا تعرف للحين منو راح يقدم الاستجواب ...؟؟؟ انا ضحكني لما ساله المقدم هل راح نشوف السعدون يقدم استجواب ... وهني مربط الفرس ...؟؟؟ ليش خايف تقدم استجواب ...؟؟؟ ولا خايف اذا تكلمت محد يفهمك ...؟؟؟ نائب يبي يقدم استجواب ويعلن عنه ... ولا يعرف منو بيتكلم فيه ... هذا مو زهايمر سياسي ...؟؟؟ عمهم السعدون يقول ان راح يقدم الاستجواب يوم الثلاثاء بعد استجواب كتلة العمل الوطني ...!!! الحين طاف اسبوع ولا قدم استجوابه ...!!! احمد السعدون خلك معاي شويه ... الاسبوع عبارة عن سبعة ايام ... السبت ... الاحد ... الاثنين ... الثلاثاء ... الاربعاء ... الخميس ... الجمعة ... اوكي حبيبي فهمت الحين ...؟؟؟ الحين طاف اسبوع عن الموعد الي حدده ...!!! هذا بالله عليكم مو زهايمر سياسي ...؟؟؟ في موضوع تعديل مواد الدستور شنو قال عمهم احمد السعدون ...!!! ان مع تعديل مواد الدستور للافضل ... وان المقترحات يشوفها زينه ... ومع ذلك راح يرفضها ... شنو سحر ولا لغز هذا ...؟؟؟ هذا مو زهايمر سياسي ...؟؟؟ الشي الوحيد الي استدفت منه في اللقاء ... قصته مع معمر القذافي ... وبالباجي .... خرطي ... ترقبونا ...

الثلاثاء، 22 مارس 2011

السعدون شغلك خرطي بخرطي ...


مشكلة لما بعض النواب يعتقدون بان الاستجواب حق مطلق ...
نعم الدستور اكد على الاستجواب كحق اصيل للنواب ...
ولكن بنفس الوقت افترض الدستور ان من يملك هذا الحق يكون عاقل ...
اقصد بالعاقل مو الياهل ...
مع ان عندي قناعة بان بعض النواب يهال اكثر من اليهال ...
حق الاستجواب في الدستور كاخر حل ...
وهو بالمناسبة كلام قلناه من قبل ...
لان لا يوجد سبيل ولا طريق بعد الاستجواب ...
ففي حالة نجاح الوزير في التصدي للاستجواب ...
راح يلغي كل ما طرح في الاستجواب ...
حتى لو كانت هناك فعلا شبهات ...
وبنفس الوقت اعطي الدستور حق تشكيل لجان التحقيق ...
الي قوتها هاليومين اقوى من الاستجوابات كلها دون استثناء ...
بس بعض نوابنا ما عندهم شغل ...
الخطير في الامر ان هناك نواب لهم اهداف من وراء الاستمرار في تقديم الاستجوابات ...
وعلى راس هالمجموعة الي ينادونه العم احمد السعدون ...
انا الى يضحكني لما بنادونه العم احمد السعدون ...؟؟؟
شكو ما ادري ...!!!
اذا على كبر سنه ...
فالكبر بالعمر يعطي الرزانه بالعقل مو العكس ...
واذا على الخبرة ...
فهل تقديم الاستجوابات بالطريقة هذي لها علاقة بالخبرة ...؟؟؟
ما اعتقد ...!!!
عمهم احمد السعدون له هدف واحد ماكو غيره ...
يبي حل مجلس الامة الكويتي ...
ولان جاسم الخرافي اعلن بان ماراح يترشح في الانتخابات القادمة ...
فهذي الفرصة التاريخية ان يكون ولو لاخر مرة رئيس للمجلس ...!!!
انا بسال سؤال ...
وخلال هالمجلس الحالي هذا ...!!!
عمهم احمد السعدون شنو قدم لنا كشعب ...؟؟؟
من تازيم الى تازيم ...!!!
من مشاكل الى مشاكل ...!!!
وفي شي ثاني ...
عمهم احمد السعدون صرح بان ماراح يقدم استجواب رئيس الوزراء ...!!!
وحدد ليوم الاحد الماضي لكتلة العمل الوطني انها تقدم استجوابها لاحمد الفهد ...!!!
وان تخلفوا راح يقدم استجوابة ...
المضحك ان كلتة العمل الوطني قدموا استجوابهم يوم الثلاثاء ...
يالله وين كلام عمهم احمد السعدون ...؟؟؟
ولا كالعادة خرابيط وخرطي ...
مشكلة ان احنا محتاجين ...
وللاسف اني بقولها ...
محتاجين رجال بالمجلس ...
ولا اقصد انهم ذكور ...
اقصد الموقف والكلمة حتى لو كنا نختلف معاه ...!!!
ونعم هناك نواب رجال ...
ولكن نوعية مثل السعدون ...
كلام وبس كلام ...
وبالفعل ماكو شي ...؟؟؟

ترقبونا ...

الأحد، 20 مارس 2011

لما يكون بالكويت نائب مثل علي الراشد ...!!!


شخصيا ما كنت ابي اتكلم عن النواب الطائفيين ...
لسبب بسيط ...!!!
ان الاتهام والاتهامات اسهل شي نوصله بالكويت ...
ولو دافعت عن فئة من باب الانسانية ...
فاكيد الكل راح يحسبونك على الطرف الاخر ...
الجميل في مدونة بيت الشعب ...
ان القضايا الطائفية نهائيا ما نطرحها ...
لان الكويتيين ما يقبلون ان واحد يقول انت شيعي وانت سني ...!!!
لان بنهاية اليوم وفي بداية اليوم ...
احنا ننام ونقعد كويتيين ...!!!
وما اعتقد ان الغالبية الكويتية تقبل بالكلام الي ينقال من نوابنا ...
ولكن على الرغم من هذا الزخم الكبير ...
يطلع نائب يخالف التيار ...
ويمكن بكلامة يضحي بالكثير ...
هذا النوع من النواب ما يتهم بالخسارة ...
دام الكويت في قلبه ...
والاهم من ذلك ان هذا النائب يرفض وبكل شجاعة ...
الطرح الطائفي ...
يا جماعة شوفوا التاريخ ...
مافي ولا دولة صار فيها طرح طائفي تعمرت ...
شوفوا البحرين والسعودية ...
واكيد شوفوا لبنان ...
اليوم الطرح الطائفي عبارة عن بركان ...
توسونامي اليابان لما ضرب ما فكر هذا شنو دينه ...
بالعكس الكل راح ...
الطائفية مثل التوسونامي ...
ما راح ترحم احد ...
اليوم انا ارفع القبعة ...
للنائب على الراشد ...
واقوله واتمنى ان يقرا كلامي ...
برافوا عليك يا علي الراشد ...
ولا تخاف ترا الغالبية معاك ...
ولا تعتقد انك خسرت قواعدك ...
لان الطائفي ما يصوت لك بالاساس ...
الي صوتوا لك ناس يحبونك لطرحك ...
على الراشد قال كلام مهم ...
ان النواب "السنه" راح يوقفون ضد استجواب الملتحين لرئيس الوزراء ...
الحقيقة كلام حلو ...
هالكلام لازم ندرسة لعيالنا ...
ان الكويت والكويتين عمرهم ما فرقوا بين شيعي وسني ...
كلنا عشنا بالوطن هذا لاجل ترابه ...
لما حصل الغزو ما فرق بين شيعي وسني ...
علي الراشد انت انسان وطني ...
ومو خسارة فيك كرسي البرلمان ...
بالعكس استمر واكشف ...
يمكن تعتقد ان في ناس ضدك ...
ولكن على الاقل ان اليوم شخصيا ...
لما تابعت الكلام الي قلته ...
رفعت القبعه احتراما وتقديرا لك ...
ترقبونا ...

الأربعاء، 16 مارس 2011

مشكلة لما تعطي يهال سلطة سياسية ...!!!


ما ادري أنا بحلم ولا بعلم ...!!!
معقولة إن السياسة وصلت للمرحلة هذي بالكويت ...!!!
معقولة إن الناس إلى صوتت للنواب ...
بأسلوب ديمقراطي محترم تحولوا لشي ثاني ...!!!
ومن المؤسف إننا وصلنا لمرحلة ما قمنا نشوف نواب ...!!!
لا بالعكس قمنا نشوف يهال عندهم سلطة سياسية ...؟؟؟
أي نعم يهال بنعم الكلمة ...!!!
الياهل أو الطفل فيه غريزة الاستحواذ ...!!!
كلنا نشوف عيالنا يبون كل شي لهم ...
من الألعاب حتى حب الوالدين ...!!!
يهالنا النواب وصلوا لمرحلة إنهم يتسابقون على الاستجواب ...!!!
يهالنا النواب وصلوا لمرحلة إنهم يهددون بعض عشان الاستجواب ...!!!
يهالنا النواب وصلوا لمرحلة يقسمون الاستجوابات ...!!!
يهالنا النواب وصلوا لمرحلة من السخافة السياسية يختارون الشخص قبل مادة الاستجواب ...!!!
نعم الاستجواب حق دستوري ...
ولكن ...
محد فكر فيكم ليش الدستور حدد الاستجواب كآخر حل ...؟؟؟
لان مافي أي حل ثاني بعد الاستجواب ...
نفس الإضراب إلي اهو أخر حل ...
لان ماكو أي شي ثاني أكثر من الإضراب ...
وفي حالة فشل الإضراب يعني فشل الجهة التي طالبت فيه ...
وبنفس الوقت فشل الاستجواب نجاح للوزير أو رئيس الوزراء ...!!!
وبالتأكيد فشل النائب أو النواب إلي مقدميه ...!!!
مشكلتنا بالكويت إن الاستجواب صار مثل شرب الماي ...!!!
الناس ما قامت تهتم ولا حتى تحترم الاستجوابات ...!!!
والله عيب ...
الحين هالمجهود الكبير إلي يحاول النواب فيه تقديم الاستجواب ...
هالمجهود على الأقل يحاولون تعديل قانون ...
أو حتى تقديم اقتراح والدفاع عنه وأخيرا إقراره ...
لا في نواب ما عندهم مشكلة إن الكويت تحترق ...!!!
ماعندهم مشكلة إن المجلس يحترق ...
بس عشان يوصل لأجندته الخاصة وفقط الخاصة ...!!!
صح عيب إن في نواب يهال لهم سلطة سياسية ...!!!

ترقبونا مع السعدون والصرعاوي غدا ...

الأحد، 6 مارس 2011

مشاري بويابس ترى مرزوق ما راح ينفعك ...!!!


الظاهر الحبيب مشاري بويابس ما تاب ...
والظاهر ان يبي يثبت لنا حتى هذه اللحظة أن إنسان وطني ...
وعلى الرغم أننا كشفنا نوعية هالحثالة ...
ومع ذلك للحين يحاول أن يبين للناس أن كانت في محاولة لرشوته ...
أنا إلى ضحكني محاولات جريدة الرأي إنها تدافع عن مشاري ...
بس قبل لا أرد على جريدة الرأي ...
أبي ارجع "لمفيد الوحش" مشاري بويابس ...
ويكرر قصته إلى جريدة الرأي نشرتها على لسانه ...
حلو يقول الأخ "القوي" مشاري بويابس أن في شخصية مهمة بأمن الدولة حاولت إنها ترشيه ...
أنا برد اسالكم ...
شنو الدليل ...؟؟؟
على حادثه حصلت بين شخصين ...
الأول "القوي" مشاري بويابس ...
والثاني للحين شخصية مجهولة ...
أرد اسالكم شنو الدليل ...؟؟؟
أنا ما أدافع عن احد ...
ولا يهمني منو هالشخصية ...!!!
لاني مثل غيري أبي الدليل ...؟؟؟
يقول الأخ "القوي" مشاري أن كشف عن الشخصية عند احمد الفهد ...!!!
شكو احمد الفهد ...؟؟؟
مثلا احمد الفهد النائب العام ...؟؟؟
ولا احمد الفهد لما عرف اسم هالشخصية بروح يرفع قضيه عليه ...؟؟؟
ولا في رسالة نبي نوصلها يا جريدة الرأي بإقحام احمد الفهد بالموضوع ...؟؟؟
جريدة الرأي تقول إلي بعرف منو هالشخصية يسال احمد الفهد ...!!!
يا ســــــــــــــــــلام ...
شنو هالحركات ...؟؟؟
والله افحمتوا احمد الفهد ...
أنا اعتقد أن احمد الفهد راح يقدم استقالته بعد ما حكرته جريدة الرأي ...؟؟؟
صراحة خبر صحفي خطير ...
حقيقة أن جريدة الرأي مصخرة من أولها لين أخرها ...
أنا عندي سؤال بسيط ...!!!
مشاري بويابس حاطين له مكان بالصفحة الأخيرة لجريدة الرأي ...!!!
والكل يعرف ا نالي يكتب بالذات بالصحفة الأخيرة مو ببلاش ...؟؟؟
سؤالي عن راتب مشاري بويابس ...؟؟؟
ولا السؤال الأهم منو إلي يدفع هالراتب ...!!!
جاسم بودي إلي طرد كل الكفاءات الكويتية من مؤسسته ...
ما اعتقد ...
لان إلي يدفع مكافأة مشاري بويابس ...
شخص مختلف تماما ...!!!
وهالشخصية تستغل مشاري بويابس إلى مثل اللعبة بيدها ...
ماني متعبكم ...
مرزوق الغانم يدفع شهريا راتب خاص لمشاري بويابس ...!!!
وهالراتب له شروط منها ...
أن مشاري بويابس يستمر في الدندنة على موضوع امن الدولة ...
وغيرها من المواضيع فقط لصالح مرزوق الغانم والى معاه ...
أخر الكلام بقوله لمشاري بويابس ...
شوف حبيبي ...
هاللعبه إلى قاعد تلعبها خطيرة ...
ويوم من الأيام راح يبيعك مرزوق الغانم وجاسم بودي ...
مثل ما باع غيرك ...
والشواهد كثيرة ...
لا تسوي نفسك وطني ...
لأنك لو كنت نص أو ربع وطني مو تغازل بنات البنات ...

والاهم لو انك وطني تكشف اسم هالشخصية وتتحمل العواقب القانونية ...
على الأقل الوطنية التي تلعب عليها ترى تستاهل ...
بس أنا متأكد انك جبان ...
والى وراك ما راح يدومون لك ...
وراح أذكركم بيوم من الأيام شلون راح ينباع مشاري بويابس ...
وجدام الناس ...


ترقبونا ...

الأحد، 27 فبراير 2011

والله زمن يوسف "براغي" يتكلم باسم الشعب


في البداية المفترض إني اعتذر للقراء ...!!!
لان المفروض موضوعنا اليوم الجزء الثالث والأخير من "مفيد الوحش" مشاري بويابس ...!!!
ولكن الظروف الجديدة طرأت موضوعا جديدا ...
وهو لجنة "التوافق" إلي تم تحديد اعضائها من قبل جابر المبارك ...
الظاهر وزارة الدفاع ناقصها براغي ...؟؟؟
والي أعضائها عبدالله المفرج وعبدالوهاب الوزان ويوسف النصف ...
أولا احد فيكم سمع عن هاللجنة ...؟؟؟
أكيد لا ...
طيب هل هناك أساس من تشكيل هاللجنة ...؟؟؟
هل اللجنة جاءت بموافقة مجلس الوزراء ...؟؟؟
هل اللجنة جاءت بموافقة سمو الأمير ...؟؟؟
بالمناسبة كل الإجابة على هالاسئلة بلا ...!!!
العامل المشترك بين هالاسماء الثلاثة ...
إنهم كانوا وزراء سابقين ...
ولكن الأهم إنهم من طبقة التجار ...
وهني الموضوع الرئيسي إلى لازم ننتبه منه ...؟؟؟
ليش ...؟؟؟
أنا بجاوب وهو موضوعنا اليوم ...
يوسف محمد النصف ...
مشكلة لما واحد نفس يوسف النصف يتكلم عن الإصلاح ...
والحقيقة إن عمره ما تكلم عن الإصلاح ...
بالعكس دائما ما يتكلم عن دور التجار في تطور الكويت ...
الكارثة إن يوسف النصف قال بالحرف ...
إن لما تتعاون السلطة مع التجار تتطور الكويت ...
يا سلام ...
الله اكبر عليك ...
والمضحك إن هالنوعيه من الدماء الزرقاء ...
يتكلم عن التاريخ إن لولا التجار لما صارت الكويت ...
وان التجار تاريخيا كانت تصرف علي أسرة الصباح ...
بس أبي اسئلكم ...
تعاونهم كان ببلاش ...؟؟؟
أتحداكم إن تشوفون التاريخ وتقرونه بشكل صحيح ...
نعم هالتجار وفقوا مع أسرة الصباح ...
لكن كان في مقابل ...
والمقابل هذا إنهم يتحكمون بالتجارة في الكويت ...
ولما انعم الله علينا بالنفط ...
الغي دور التجار ...
لان الفلوس صارت بيد الدولة وليس التجار ...
وهذا كانت مشكلة التجار مع أسرة الصباح وليس العكس مثل ما يقول يوسف النصف ...
مو التجار خلوا كل أهل الكويت ...
أهل الكويت إلي دافعوا عن الكويت ...
هالتجار أهما السبب إن في بالكويت طبقتين تجار والعكس ...
ومنو دافع عن الكويت طيلة حروبها أو صراعاتها ...؟؟؟
التجار ...؟؟؟ ولا الشعب ...؟؟؟
قولولي عدد الشهداء من أبناء التجار خلال الحروب ...
ولا الشهداء مو مهمين عندك يا يوسف النصف ...؟؟؟
من والى أيد الشرعية الكويتية في مؤتمر جدة ...؟؟؟
الشعب ولا التجار ...؟؟؟
نرجع ليوسف النصف ...
يوسف كان تاجر براغي أيام الغزو ...
حتى بالغزو تجار ...!!!
وكانت علوقته "يوسف براغي" ...!!!
تبي أكثر يا يوسف ترا ما عندنا مشكلة ...
أنت اليوم لما تروح لجابر المبارك وتتكلم بأي صفه ...؟؟؟
بصفة شنو واحد من الشعب ...؟؟؟
ولا واحد من التجار ...؟؟؟
إذا واحد من الشعب فمحد انتخبك ولا أختارك ...
ولا لانك صرت وزير لمدة اسبوع عبالك انك واحد منا ...؟؟؟
وان كنت من التجار ...
فما كان المفروض يا يوسف النصف تصلح وضع غرفة التجارة ...
ولا البوق إلى بغرفة التجار حلال دام إن لكم فيه نصيب ...؟؟؟
لاحظوا إن لما تحاول السلطة إنها تشرك الشعب بكل شي ...
والاهم بالثروة والتنمية ...
يطلعون ناس مثل يوسف النصف وينتفضون ...
وللأسف إن في ناس بالأسرة تسمع لهم ...
والله زمن يوسف براغي يتكلم باسم الشعب ...
ويكون عضو بلجنة الإصلاح السياسي ...!!!
والله زمن اسود ...
يبدو إن كلامنا ماله نهاية ...
ومابي أطول ...
نخليها بعدين ...

ترقبونا ...

الخميس، 24 فبراير 2011

الوطني مشاري ... طلع خروف ... ومغازلجي ...


رجنا لموضوع "الخروف" مشاري بويابس ...
ويبدو ان الحبيب والقوي وطرزان ...
يقول عن نفسه ان إنسان وطني ...
ولو ما قال هالجملة ماكنت ضيعت وقتي بالرد عليه ...
والاهم كشف حقيقة الخروف "مشاري" ...
اليوم لما نكشف المواقف لبعض الشخصيات ...
نهدف بالحقيقة ان يتعرف الناس نوعية هالناس ...
وهل فعلا يستحقون ان نسمع لهم ...؟؟؟
ماني مضيع وقتكم ...
خلونا مع الصور ...
وبالنهاية لكم الحكم ...
طبعا مشاري بويابس من المغردين بالتوتير ...
بس لما تحاول انك تستغل هالمكان في عرض أجندة ناس معروفين هني تكون المشكلة ...
بس محد قال انه المكان المفروض يتحول إلى مغازل ...
ولا شرايك يا مشاري ...؟؟؟
خلونا مع الصور ...

دزلته مسج بنت وتمدح فيه ...
طبعا تدري هالنوعية من المصاخر لما يمدحهم احد ...
ولا تطلع بنت ينتفخ ...
والوطنية إلي فيه ترتفع وايـــــــــــــــــد ...
المهم تسأله عن رقم ...

في الصورة الثانية...
الحبيب يرد عليها ...
طبعا للحين الحبيب ثقيل ...
صج انك وطني ثقيل ماشالله عليك ...

في الصورة الثالثة...
البنت ...
وما ادري ان كانت فعلا بنت ولا لا ...
المهم تطلب منه الرقم مال الدكتورة ...
وفي الصورة الرابعة ...
مشاري إنسان وطني ...
وأكيد ما يرد أي طلب ...
الحبيب وعد البنت ان راح يوصلها الرقم إلى تبيه ...

في الصورة الخامسة ...
الوطني الجبـــــــــــــــــار ...
تتوقعون شنو كانت فعلته ...؟؟؟
حط رقمه للبنت ...
ماشالله عليك يالوطني الشريف ...
بالمحترم ...
يالخروووووووووووووف ...
طبعا في الصورة السادسة ...
لما كشفه واحد ...
رد وسبه مشاري الوطني المحترم ...

وصح مشكلة لما واحد نفس هذا يتكلم عن الوطنية ...
على الطاري ...
لما قلت للشخصية المهمة في امن الدولة لما حاولت إنها ترشيك ...
قلتله انك ما تستخدم تلفونك ...
عجيبة الظاهر بس تستخدمه للمغازل ...!!!
صج انك خروف ....
الشرهة مو عليك ...
الشرهة على الناس إلى مصدقه انك واحد وطني ...
بس الظاهر صار عندنا نوع جديد من الوطنيين ...
الوطنيين الخرفان ...
ترقبونا مع الجزء الثالث لخروفنا المدلل ...