معقولة فلم هندي ماله بوستر ...؟؟؟

مو من طبعي أعيد مواضيع تم عرضها ...
ولكن لما تكون القضية فيها الضبعة والفرخ وجاسم ...!!!
اعتقد إن نحتاج إن نعيد من باب التأكيد إن هالتحالف فاسد ...
والمشكلة إن إلى يقول إن يدافع عن الدستور ...
وان الدستور مسطرتنا ...
يستغل الدستور باليوم ألف مرة ...
ولان مرزوق الغانم "الفرخ" يحب الأفلام الهندية ...
خلونا نستعرض الموضوع بطريقة الفلم الهندي ...
وطبعا إلي يتابع الأفلام الهندية فيها الدراما والرعب والكوميديا ...
والحلو بالأفلام الهندية إن دائما أبطالها يقربون لبعض ...
"الفرخ" مرزوق الغانم – للتأكيد ما اقصد بالفرخ سوالف الشباب أيام أول ولا إن مرزوق كان عنده تاريخ شبابي خربوطه ولكن اقصد بالكتكوت الصيغيرون حبيب الماما والبابا – كان عنده مشكلة إن الكل ضده ...!!!
ولان مرزوق الغانم "الفرخ" عنده أجنده تجارية جبارة ...
كان لابد وان يحاول إن يتعاون مع شخص واحد ...
مسببله قلق وصداع ...
هالشخص بالمناسبة عنده مفاتيح رئيس الوزراء ناصر المحمد ...!!!
وهذا البطل الأخر في الفلم الهندي ...
هالشخصية هي "الضبعة" محمود حيدر ...
محمود حيدر "الضبعة" لاعب رئيسي في كل القرارات إلى يصدرها ناصر المحمد ...؟؟؟
وجان زين هالقرارات فيها منفعة للديرة ...
لا وألف لا ...
كل القرارات لمصالحة الشخصية ...
ويا ويله إلى يخالف محمود حيدر ...
نتيجة تكون إن كرته محترق جدام ناصر المحمد ...!!!
وهني بلشت الحرب بين "الضبعة" و "الفرخ " ...
والكل شاف الهجوم الشرس من قناة العدالة وجريدة الدار إلى يملكها محمود ضد مرزوق "الفرخ"...!!!
ولان الأفلام الهندية لازم يطلع فيها بطل جديد ينقذ الموقف ...
طلع لنا جاسم بودي ...
جاسم بودي قدر إن يذوب الخلافات بين مرزوق "الفرخ" و"الضبعة" ...
وكانت من خلال مشروع القناة الإعلامية الجديدة ...
إلى فيها شركاء جاسم بودي ومرزوق الغانم ومحمود حيدر ...!!!
وطبعا هني ينتهي الفلم الهندي ...
وطبعا الفرخ كسب الفلم الهندي ...
والحين محمود حيدر "الضبعه" وقف الحرب على "الفرخ" ...!!!
..............................................................................
ولان مرزوق الغانم يجب الأفلام الهندية وايد ...
وأكيد كل فلم يحتاج على الأقل بوستر ...
هالبوستر نشوف ونتعرف فيه علي الأبطال ...
وقلت أساهم شوي بالموضوع ...
والحين حصريا لمدونة بيت الشعب ...
بوستر فلم "سراق المال العام" ...


ترقبونا...

جاسم والفرخ والضبعة...

اليوم ودنا نغير الجو وأسلوب الطرح ...!!!
وودنا نقول موضوعنا ونسويه فلم أو بالأحرى قصة فلم حقيقية ...!!!
ولكن هالقصة كوميدية من أولها لين أخرها ...؟؟؟
على الرغم إن الأحداث نتائجها وقحة ...!!!
ولكن بالنهاية هذي قصة وانتو إلى تحكمون وتقيمون هالفلم ...!!!
الممثلين:
جاسم بودي مالك قناة وجريدة الرأي، هالحبيب همه الأول والأخير إن يوسع ثروته ومو مهم يتعاون مع منو، ولكن شاطر وبامتياز إن يجذب أعداء السلطة ويساوم عليهم مع الحكومة عشان يمرر جم مناقصة، يعني الحبيب عنده كرت الجيكر "مو اهو الجيكر" لا كرت الجيكر إلى بالجنجنفه
وطبعا كلكم شفتوا شلون قدر إن يجذب كلته "إلا الدستور" عنده وخلاهم يلعبون من خلاله وبالتنسيق مع أطراف بالحكومة، والمضحك المبكي إن كلته "إلا الدستور" ولا واحد فيهم تجرأ وتكلم عن مناقصاته الفاسدة، خوش دستور عندهم...
محمود حيدر "الضبعة" طبعا محمود مجرد ما تقول اسمه تطلع ريحه فساد من أوله لين أخره، ومحمود حيدر جند قناته وجريدته لضرب مرزوق الغانم والخرافي وبالمناسبة محمود حيدر صاحب جملة "مرزوق علي" الشهيرة...
مرزوق الغانم "فرخ" جاسم بودي – بالمناسبة ما اقصد بالفرخ سوالف الشباب أيام أول لا اقصد الكتكوت- هالفرخ الجميل والحلو وحبيب مامي وبابي، إلى عنده مشكلة مع محمود حيدر والى قاعد ينسق عن طريق جاسم بودي إن يلمع اسمه وصورته بعد استجواب رئيس الوزراء ولكن هالمحاولات فشلت بسبب محمود حيدر ...
عرفتوا الحين ممثلينا ...؟؟؟
أحداث قصتنا اليوم بسيطة جدا جدا ...!!!
القصة بلشت قبل جم سنة ...!!!
لما حاول محمود حيدر إن يشتري مجموعة الرأي ...!!!
وطبعا محمود كان يبي 60% من المجموعة ولكن جاسم بودي رفض لان كان يبي يبيع بس 40% ...!!!
ومن فلت هالصفقة زادت الخلافات بينهم ...!!!
ولما فتح محمود حيدر جريدته "الدار" وقناته "العدالة" ...
جند كل إلى فيها لضرب مرزوق الغانم ومجموعة الخرافي ...!!!
ولان الحرامي ما يلتقي إلا مع حرامي ...
ولا الموضوع فيه مناقصات ومشاريع التنمية إلى بالمليارات ...!!!
كان لازم وللمصلحة التجارية والحرمنه إنهم يلتقون مرة ثانية ...!!!
تم الاتفاق على الأتي ...
طبعا المنسق أو الوسيط كان جاسم بودي إلى عنده مصلحة أهم من مرزوق ومحمود ...
وحصل الاتفاق على إن يحمي جاسم بودي "فرخه" ...!!!
شلون ...؟؟؟
ما تلاحظون إن قناة العدالة وجريدة الدار ما قامت تنتقد مرزوق الغانم ...؟؟؟
ولان مرزوق الغانم وبالتعاون مع الرأي راح يفتتحون قناة إخبارية جديدة ...!!!
وبالحالة هذي محمود حيدر راح يكون شريك فيها وله بالحلال ...
ولان محمود حيدر قريب جدا من رئيس الوزراء إلى المطلوب منه إن يهدي الأوضاع بين مرزوق ورئيس الوزراء ويسوق اسم انس الرشيد ...
طبعا انس الرشيد راح يكون مدير القناة الجديدة ...
وخلال الفترة الماضية خلوا انس الرشيد ينسق أكثر من لقاء لسمو الرئيس ...
منها لقاءه مع تلفزيون الكويت والرأي وجريدة عالم اليوم ...
بس المشكلة إن كل التنسيق طلع سمو الرئيس بموقف سيئ وضعف منه ...
وكانت كل اللقاءات فاشلة بمعنى الكلمة ...
أخر الكلام ...!!!
جاسم والفرخ والضبعة ...
متفقين على مصالح واضحة ومحددة ...
وأكيد مصالح تجارية ...
أنا وأنت مشاهدين كالعادة ...
وأتحداكم إذا كلته إلا الدستور خلال الأيام القادمة راح تتجرأ على الحديث عن محمود حيدر أو قناة العدالة أو حتى جريدة الدار ...

ترقبونا ...

مسرحية حرامية الغرفة.. !!

مع كل احترامي لعيال الغانم الكرام الي نكن لهم كل تقدير واحترام

مع كل احترامي للناخبين في الدائرة الثانية وعيال العوايل المحترمة

مع كل احترامي لقراء بيت الشعب الأحرار

لكن الهبل الي قاله مرزوق بمقابلته مع الراي ما ينسكت عنه!!

بذمتكم هل هذا منطق نائب بمجلس الأمة؟

ما سألتوا نفسكم سؤال مهم.. وخطير؟

احنا شكو بخلافاته الشخصية!!!

خلافه مع عيال فهد الأحمد.. خلافاته مع رئيس الوزراء!! خلافاته مع علي الراشد وغيره!!

يا مرزوق عساك تحترق وياهم.. احنا شكو فيكم؟

ليش مصر ان ندش وياك كطرف بهالصراع؟!

تدرون الحصلية شنو كانت..؟؟؟

تدرون مستوى الخلاف المريض وين وصل...؟؟؟

تدرون مرزوق شسوى بيده!!

مروزوق هو الي قدم أوراق فهد العنزي ومحمد راشد الى الاتحاد الآسيوي!!

تخيلوا...!!!

أبيكم بس تلاحظون وياي شلون كان يستهزئ بقضية توقيف أبطال المنتخب محمد راشد وفهد العنزي!!

شوفوا هالفيديو دقيقة ... وبتعرفون شقصد...!!!



يقولي فلم هندي ...!!!

مسرحية ان أبطال الكويت راح تروح جهودهم هباء؟

والله لا ذمة ولا ضمير..

ما قال هالاعبين عطوا من دمهم للمنتخب، ولا قال هذيله شباب صغار كانوا تحت الضغط بالفترة الي طافت..

يقول فلم هندي ...!!!

الضغط والقهر الي ذاقوه هالاعبين يسميه فلم هندي.. تدرون ليش؟

لسبب بسيط جدا...!!!

لانه يعتقد ان كل الاعبين وكل اخواننا البدون.. فداوية عنده...!!!

تهبى يا مرزوق.. ومعصي على شواربك، الكويت مو كلها خلود الفضلي و تشغلهم فداوية عندك..

وأبطالنا بشاركون غصبن عليك.. وغصبن على كل حاقد مريض..!!!

وأعدلك معلومتك يا بوعلي..
أنت صاحب المسرحية الفاشلة الي تحاول فيها انك تدخل كل عيال الكويت بخلافاتك الشخصية..
لدرجة انك حاولت تحرم أبطالنا من المشاركة!!

تهبى...!!!

والله محنا مخلينك والفاكسات الي دزيتها حق الاتحاد الآسيوي عن الاعبين تراها موجوده عندنا..

ترقبوها!!

الا الــــجِــــذب!!

أيام قبل يوم كنا يهال كان ينون أهلنا الي يجذب.. يا ويله الي يجذب!! كنا ننطق سنة بساعة اذا أحد فينا فكر يجذب..

مو بس في البيت، للحين أذكر واحد من الربع يوم جحشه الناظر بالمدرسة لانه جذب جذبة صغيرة على المدرس وقاله انه حل الواجب..

هذي سالفتين على الطاير.. وأنا متأكد انه كل واحد فيكم عنده قصص أشكال وأرناق عن أيام الطفولة؛ لكن كلنا عقب ما كبرنا اتفقنا على النقطة الأهم:
الا الجذب!!
ايه نعم؛ الا الجذب.. ومهما حاول الجذاب انه يماطل ويلف ويدور ما رده بينكشف وينصاد وبصير منبوذ من أهله وربعه!
أرد وأقولكم:
الا الجذب!!
لكن للأسف.. مع السنين تغيرت هالقاعدة، وصار عندها استثناء وحيد بالكويت.. استثناء تفوح ريحته من الدائرة الثاني!!
ايه نعم؛ وهالاستثناء بدا يوم سوه واحد من الي يدعون الوطينة والاصلاح تعديلات بسيطة على فلم الكارتون الشهير "بينوكيو" وحوله من فلم مدته ساعة الى مسلسل مكسيكي مدته 365 يوم بالسنة..
والفرق بين بنيوكيو وهالنائب انه خشمه ما يطول.. ولا جان شفتوا خشمه من ضاحية عبدالله السالم لي حدود الزلفي!
وضحت الصورة؟؟ أكيد عرفتوا من أقصد!
النائب: مرزوق الغانم!
طيب على أي اساس تتهم مدونة بيت الشعب مرزوق بالجذب؟ ركزوا وياي بالكلام الخطير اللي بقوله!
كلنا ندري ان استجواب رئيس الوزراء الاسبوع القادم.. لكن الي يجهله الكثيرين ان الاستجواب مو بس مخوف ناصر المحمد!!
لا خبركم عتيج!!
لان استجواب الرئيس حط مرزوق جدام الأمر الواقع؛ وأمام مفترق طرق!!
يعني بالكويتي الفصيح: صار اجباري على مرزوق ان يبيع مجموعة من ربعه.. مثل ما باع عمه فؤاد من قبل!
خلوني أوضح لكم أكثر!
استجواب الرئيس راح يجبر مرزوق على أن يتخلى عن أحد الطرفين!!!
الطرف الأول: التكتل الشعبي!
أو فزاعة الرياضة ان صح التعبير؛ والمفاجأة انهم الطرف المرجح أن يتنازل عنهم مرزوق يوم الاستجواب..
واشهد يا زمن ويا متابعين مدونة بيت الشعب الأحرار على كلامي.. والوعد يوم 28-12
فبعد الفزعة الغير عادية من أعضاء التكتل الشعبي في قضية الرياضة ودخولهم في صراعات عاصفة ومدوية؛ يوم الاستجواب راح يشهد انقلاب دراماتيكي من النائب مرزوق الغانم على تكتل شعبي!
أوكي؛ الحين مادام عرفنا الطرف الاول.. منو الطرف الثاني يا شطار؟
الحكومة!
وخلوني أذكركم بحكومة ناصر محمد شسوت حق مرزوق الغانم!
الحشيش الصناعي: المناقصة الي رست على مرزوق في كل مدارس الكويت الحكومية.. وعليكم الحساب.. جم مدرسة بالكويت؟ جم مرحلة سنية؟ جم ملعب فيها.. يا سلااااااام!! الله يزيد ويبارك؛ ويقولون لي تجار بعد!
بي ام دوبليو والحكومة: انتوا انشالله عبالكم ان ربح بي ام من فلوس أهل الكويت المساكين الي كاسرة ظهورهم الاقصاد والديون؟ واعليه على هلي وربعي، صج انكم على ويهكم!
يا يُبه اصحوا!!
80% من فلوس بي ام من مناقصات الحكومة الي مسوية اتفاقية معاهم مقابل توريد سيايير لكل القضاة بمحاكم الكويت، واتفاقية اخرى تنص على توريد سيارات اخرى لكل وكلاء الوزارات.. سيايير النواب أيضا من بي ام.. تعيش بي ام ووكيلها علي ثنيان؛ وانتوا موتوا فقر!
شاحنات لوزارة الدفاع: عاد هذي قصتها قصة.. والقهر انه محد يدري عن هالموضوع بالمرة.. مناقصة رست على علي ثنيان الغانم لتوريد شاحنات ماركتها "مات" لوزارة الدفاع.. الله يزيد ويبارك!
تذكروا تاريخ الاستجواب زين: 28-12
تذكروا اليوم الي بصلع فيه مرزوق وبيكشف ولائه لناصر المحمد وحكومته! تذركوا اليوم الي بقط فيه مرزوق التكتل الشعبي بحر، مو بس عشان هالمناقصات الي مالها أول ولا تالي.. ايه نعم الاستماته الي بتصير من مروزق راح يكون مقابل صفقة أهم وأكبر من هالمناقصات.. تدرون شنو هالصفقة؟
علي ثناين الغانم
وبتشوفون التصلع على أصوله من حكومة ناصر المحمد للدفاع عن علي ثنيان الغانم على موضوع غرفة التجارة بعد هذا الاستجواب..
سجل يا تاريخ.. وتذكروا هالكلام زين يا قراء بيت الشعب الأحرار!
بسك جذب يا مرزوق، ويا ليتك قلت حق نفسك الا الجذب مثل ما قلت وياهم الا الدستور، ويا ليتك صرت مثل صويلح الملا الي حدد موقفه من الاستجواب وما رد عليك!
للحديث بقية.. تابعونا!!

صدام ما مات!!

ليك؟ كيفكم؟ شوووو أخباركم؟ مناح انشالله؟ بينعاد عليكم، وعيدكم مبارك!

طبعا كلكم مستغربين ليش قاعد أكلمكم باللغة سورية مع انه هالمدونة كويتية100%..

لكن القصة ومافيها اني حبيت أطلع فيها وأتعلم سوري قبلكم لان الدولة مقبلة على غزو يديد.. نعم كلامي واضح، غزو يديد.. تدرون شنو اهو؟

الغزو السوري!!!

كلام خطير عدل؟

لا وأزيدكم من الشعر بيت، هالغزو مو أي غزو.. ماهو مثل غزو المقبور صدامو.. لا الغزو السوري الي قاعد أكلمكم عنه أخطر بمليون مرة من الي حاشنا بسنة 90.. تدرون ليش؟

لان الاحتلال الصدامي صار جدام الله وخلقه وكل العالم وقفوا ضده لان القمع كان مكشوف للعالم بأسره!!

اما الاحتلال السوري اليديد فصاير من تحت لي تحت.. من غير لا يحسون الناس.. من غير ما يحسون فيه حتى الكوتيين!! الاعلام المحلي والعالمي وما يدرون عنه.. لا وتدرون وين الطامة الكبرى؟ انه الغزو السوري صار بمباركة وزير أخطر جهة في الكويت!!

وزير الدفاع: الشيخ جابر المبارك الصباح!!

طيب شسالفة هالغزو؟ ومنو المسؤول عنه؟

باختصار الغزو السوري الداخلي قاعد يخطط له رجل داهية اسمه: بشار كيوان!!

منو بشار كيوان؟ خلكم معاي

من مواليد الكويت ومن أسرة فقيرة جدا وكان والده يعمل بائع للبرادي في مجمع الاندلس.. كان بشار طفل ذكي جدا ومحط أنظار الجميع وتبناه أحد قيادات حزب البعث السوري حتى تشرب بشار مبادئ البعثيين.. وبعد ما صار شاب يافع وأقسم الولاء للبعثيين؛ تمت مكافأته بابتعاثه للدراسة في فرنسا.. ولانه بشار انسان داهية مثل ما قلنا ما خيب ظن معازيبه وكون علاقات خطيرة ومشبوهه مع كبار السياسيين في فرنسا؛ ووصل حتى للمافيا هناك!!

حلوين.. بس شوصله للكويت؟

ليما تخرج بشار من فرنسا؛ انتقل للمرحلة الثانية من حياته ورجع الى الديرة الي تربى وعاش فيها لكن هالمرة بشكل مختلف؛ بشار حب يرد الجميل للديرة الي عزته ورزته.. تدرون شلون؟! بان يكون مسؤول المخابرات السورية في الكويت.. يعني شغلته ينقل أسرار الديرة للسوريين!!

أوكي، هذا عرفناه الحين.. لكن الأغرب من هذا اهو القفزات الكبيرة الي طرأت على حياته المهنية.. والي بدت يوم تعرف على الشيخ صباح جابر المبارك

ولد وزير الدفاع الشيخ جابر المبارك.. بدت توضح الصورة؟!

وطبعا بشار ما صدق خبر واستخدم صباح الجابر كواجهة لمشاريعه.. بل وقدم له مشروع عبقري اسمه جريدة الوسيط للاعلانات وطلع منها أرباح غير مسبوقة.. وبعدها اسس له مشروع آخر مثل الياناصيب اسمه شووووت وحقق له أرباح عالية أيضا.. وهني ينطبق على الشيخ صباح الجابر المثل الشهير: الفلوس تعمي النفوس.. شلون؟

بشار ما نكث عهده لحزب البعث.. قدر في هالوقت ان يأسس خلايا نائمة في الكويت.. وقدر عن طريق علاقته بصباح الجابر انه يوصل حق أبوه ويقوي علاقته فيه.. والمصيبة انه بوقت قصير صار وزير الدفاع يستشير بشار بصفقات كبيرة تخص الدولة.. واسرار الدولة وبتروح يا شطار؟! الى حزب البعث السوري طبعا!

هل اكتفى بشار كيوان بالكويت؟

طبعا لا.. توسع بشار طال دول الخليج بشكل سريع وخطير.. واستغل الشيخ جابر المبارك عشان يكون الجسر لتكوين علاقات كثيرة في السعودية والامارات والأردن.. وصار بفترة قياسية الرجل الأول للمخابرات السورية بالخليج!!

لكن لحظة السقوط كانت في 2008.. تحديدا يوم اختلف مع الأمير خالد بن سلطان ابن ولي العهد وطرده من السعودية.. و بعدها انطرد أيضا من الامارات بعد ما اختلف مع أحد شيوخ آل مكتوم.. حتى الأردن الي كون فيها علاقة كبيرة مع رئيس الوزراء هناك؛ انكشف بسرعة وطرده رئيس الوزراء بعد أن تم اكتشاف تلاعبه وخبثه..

يعني باختصار بشار كيوان فشل في كل مهامه.. الا بالكويت الي تصر على بقائه!!

بحماية ومباركة وزير الدفاع الشيخ جابر المبارك

والله يا اخوان شي يحز بالنفس يوم صارت ديرتنا مدوسة لليسوة والي ما يسوة.. والي يعور القلب انه هالسوري صار يلعب لعب بصفقات وزارة الدفاع.. فضايح مالها أول ولا تالي قاعدة تصير بالديرة بدون حسيب ولا رقيب.. وأنا من خلال هذا الموضوع أطلب من قراء مدونة بيت الشعب الأحرار انهم يمسكون ورقة وقلم ويسجلون معاي الفضايح وسواد الويه الي أشرف عليها بشار كيوان بنفسه بالاتفاق مع جابر المبارك:

صفقة الرافال: بذمتكم.. سمعتوا عن دولة خليحية تشتري طيايير حربية من غير أميركا أو بريطانيا؟ هذه أول بلاوي جابر المبارك الي حب يستغل علاقات بشار كيوان مع وزير الدفاع الفرنسي وكانت الصفقة تقدر على الأقل ب 16 مليار دولار!!! يا بلاش!!

المفاعل النووي الكويتي: أرد أسألكم نفس السؤال.. هل في دولة خليجية استعانت ببناء مفاعل نووي غير أمريكا وبريطانيا؟ الكويت كسرت القاعدة ووقعت مع وزير الدفاع الفرنسي.. وتدرون وين كان الاجتماع والاتفاق؟ في قصر بشار كيوان بالفنطاس وبحضور جابر المبارك ووزير الدفاع الفرنسي!!

الزوارق الفرنسية: صفقة خيالية بين وزارتي الدفاع الكويتية والفرنسية.. وبشار كان هو وسيط الصفقة أيضا!!

خلصنا من فرنسا.. توقعون وين كانت وجهته التالية؟

جزر القمر.. وما ادراكم ما جزر القمر!!

دولة فقيرة جدا وكأنك عايش في العصر العباسي.. وكلكم تذكرون طرارة رئيس الدولة في مقابلته بتلفزيون الوطن.. والي أقنعه بشار انه ايي بنفسه للكويت مقابل انه يحصل على تبرع قيمته 500 مليون دولار عن طريق جابر المبارك على ان يحصل بشار كيوان على 50%.. وكما وعد بشار أوفى.. هل انتهت قصة بشار هني؟

طبعا لا!!

استغل بشار قضية البدون واتفق مع مع رئيس دولة جزر القمر على بيع جوازات سفر قمرية للبدون في الكويت.. شبقى بعد؟!

يا جماعة.. طولوا بالكم ترى للحين ما خلصت..

الحين بنوصل للنهاية المفاجأة.. النهاية الي بتكشف سر كل هالتلاعب!

كل هالفلوس والصرف والصفقات الي مالها أول ولا تالي.. وجرايد الوسط والبلد الي شراها بشار كيوان ونشرها في مصر ولبنان والكويت.. وحقوق اعلانات كأس العالم الي شراها من الجزيرة الصيف الي طاف بمبلغ فلكي.. وآخر المناقصات اعلانات الشوارع الي بالكويت والي رست عليه بمبلغ خيالي قيمته 120 مليون دولار.. لا وحاليا يستعد لاطلاق جريدة يومية كويتية –مجانية-.. ايه نعم مجانية.. تدرون وين تروح هالفلوس؟ أنا أقولكم!!

غسيل أموال!!!

ايه نعم.. غسيل أموال لحزب البعث السوري.. غسيل أموال ولعب على عقول الكويتيين والشيخ جابر المبارك شاهد عيان.. شاهد ما شافش حاجه على قولة الأخوان المصريين.. وحضرته الشيخ جابر المبارك ساكت مع انه يقدر بجرة قلم يمشي هالعميل السوري وفريقه القذر بلا رده.. ولو كان بشار كيوان كويتي جان الله أعلم بحاله، والله جان قطوه ورا الشمس، لكن حضرته عايش بقصره بالفنطاس ما يحلم فيه أي كويتي.. لانه عرف من أي تأكل الكتف، وقدر يضبط علاقته مع وزير الدفاع الي غض بصره تماما عن هالمهازل وتفرغ تفرغ كامل لاجندته السياسية بالتعاون مع صويلح الملا وربعه لضرب رئيس الوزراء وغيره.. والخاسر كالعادة أنتوا يالكويتيين!!

مدونة محمد الصقر وأحمد الفهد!!

نفتخر أن مدونة بيت الشعب استطاعت استقطاب أكثر من 2000 مؤيد بوقت قياسي ...
نفتخر أن بيت الشعب قدرت تطرح مواضيع عجزت عنها أكبر الجرايد المحلية ...
نفتخر انه بيت الشعب هي مدونة صوت الكويتي الحر إلي ما يرجع لأحد ولا يحسب حساب أحد...
من خلال متابعتي للتعليقات لفتت نظري مجموعة من الاتهامات الباطلة إني أتبع النائب السابق محمد الصقر عشان أصفي حساباته مع خصومه مثل مجموعة الخرافي وجريدة الوطن وأعضاء التحالف الوطني المنشقين...
وفي مجموعة أخرى قالت إني اتبع الوزير أحمد الفهد لتصفية حسابات قديمة...
وأنا أقول لكل السفهاء أصحاب الاتهامات التافهة انه ما يشرفني أتبع ولا واحد فيهم...!!!
والسياسة يا سفهاء ما تعرف صاحب...!!!
ومدونة بيت الشعب لن تتورع في ضرب كل من يتاجر بالوطنية...
وأقول حق فداويه أحمد الفهد إلي حاولوا استغلال نجاح المدونة بنسبها لهم ترى الدور يايكم...؟؟؟
وأقول حق ربع الصقر ترى لعبتكم مكشوفة...!!!
وكلكم تعرفون صفقة لشركة ساتشي أند ساتي و وكيلها المحلي مركز اكروبولس للدعاية والإعلان...
والي متهم فيها جاسم القامس وربعه...؟؟؟
إلى قيمتها أكثر من 6 مليون دينار كويتي...؟؟؟
طيب.. جاسم القامس موظف في أي جهة...؟؟؟
أوكي أسهل عليكم السؤال.. موظف في أي جريدة...؟؟؟!!!
جريدة الجريدة.. إلي صاحبها محمد الصقر...
طيب سؤال ثاني: ليش محمد الصقر ما دافع عن خالد الفضالة يوم كان بالسجن...؟؟؟
الجواب انه محمد الصقر باع خالد الفضالة لأجل عقد بوبيان بقيمة 300 مليون دينار...!!!
صج وطنيين..
لا وآخرتها محمد الصقر ما صفا إلا على خالد الهلال...؟؟؟
طيب منو مايسترو هالصفقات...؟؟؟
مو احمد الفهد؟ إلي يملك 37 مليار دينار حجم ميزانية التنمية ...؟؟؟
احمد إلي قدر يشتريهم ويقص الكيكة على ويقسمها على مزاجه...؟؟؟
يا جماعة الديرة راحت وإحنا قاعدين نتفرج ...!!!
بدر الخرافي كل يوم طالع لنا بالجرايد بعد ما ترسي عليه مناقصة يديدة...
مو حرام...؟؟؟
وين صالح الملا ومروزق وكتلة عمل الزفت عن بوقات الخرافي...؟؟؟
نعم احمد الفهد قاعد يشتري الولاءات كلها ...!!!
نعم احمد الفهد قاعد يشتري إلى يدعون الوطنية ...!!!
وكلها بفلوس التنمية ...!!!
ونعم احمد الفهد حاليا أقوى شخصية سياسية اقتصادية بالكويت ...!!!
انتو مو عاجبكم ...!!!
اوكي ...
أنا معاكم ...
بس ومرة ثانية أقولها ...
مدونة بيت الشعب موجودة لأنها تؤمن بان طريق الحق طويل ...
وطريق الحرية أطول ...
وان الحقيقة الكل يخاف يقراها أو يسمعها ...
وإحنا موجودين ...
عجبكم ولا لا ...
وراح نكشف ونكشف ...
ولا راح يهمنا الاتهامات إلى تحاولون أن تقولونها ...
أنا ما زلت أتمني أن نفكر بالكلام ...
وعمري ما منعت ولا نقد توجه لي ...
حتى لو كان قليل أدب ...
أو حتى جارح ...!!!
لاني مؤمن بالمفهوم المطلق لحرية التعبير عن الرأي ...
كنت أتمني إلى ينتقدني أن يرد علي بالحجة ...
بس أنا متقبل كل شي ...
لاني ماراح أتردد بان أقول إلى عندي ...
ولنا وقفات عديدة ...

ترقبونا ...

الخبر عند بوصلوح..!!؟؟

اليوم ويك اند والناس كلها طالعة بنيدر والخيران والوفرة وحابه تريح...
فحبيت أكتب لكم اليوم موضوع لطيف وخفيف...
وبنفس الوقت يكشف لكم أسرار خطيرة راح تسولفون فيها وايد بيمعتكم بالويك اند...
بطل هالقصة اللطيفة اسمه بوصلوح...!!!
طبعا الكل راح باله على انه بوصلوح هو نفسه النائب صالح الملا...؟؟؟
لكن الحقيقة انه بوصلوح شخصية مختلفة تماما...!!!
مع إنها مرتبطة بشكل مباشر بالنائب صالح الملا...؟؟؟
ركزوا معاي عشان تعرفون السر...!!!
شفتوا هالصيحة الي صايرة بالحكومة وسالفة حكومة أم راسين.. والضرب من تحت الحزام بين النائب الأول لرئيس مجلس الوزراء ورئيس الوزراء، والتلويح باستجواب رئيس الوزراء على قضية الرياضة من قبل النائب صالح الملا الي مستذبح بالدفاع عن جابر المبارك.. تخيلوا كل الصيحة من تدبير رجل واحد.. تدرون منو اهو...؟؟؟
الجواب وبكل بساطة ... بوصلــــــــــــــــــــوح ...!!!
طيب منو بو صلـــــــــــــــــوح ...؟؟؟
باختصار.. بوصلوح هو الفريق صالح مشاري الحميضي ...!!!
منو هذا.. ومن وين طلع؟!
وشنو العلاقة بين صالح الملا وصالح الحميضي ...؟؟؟
صالح الحميضي متزوج بنت الملا..
وبنت الملا هي عمة صالح الملا ...!!!
ها توضحت الصورة لكم ...؟؟؟
يعني باختصار صالح الحميضي ريل عمة صالح الملا ...!!!
وصالح الملا متربي في بيت الفريق صالح الحميضي ...!!!
وبالتالي بوصلـــــــوح مثل أبوه ...!!!
يعني باختصار كلمة بوصلوح ما تصير ثنتين عن صالح الملا ...!!!
طيب.. شنو علاقة بوصلوح بجابر المبارك...؟؟؟
سهلة.. بوصلوح مدير مكتب الشيخ جابر المبارك...!!!
شرايكم بالحجي...؟؟؟
يعني لما يقول الفريق صالح الحميضي لصالح الملا قوم دافع عن جابر المبارك...
صالح الملا يقول حاضر على أمرك غصبن عليه وعلى الي خلفوه بعد...!!!
صالح الملا يقول إن يدافع عن الأموال العامة ...!!!
ويقول إن همه مصلحة البلد ...!!!
وان قاعد يكشف الفساد إلى بالبلد ...!!!
كلنا سمعنا هالاسطوانه ...؟؟؟
بس سؤالي ليش صالح الملا "الوطني" ما تكلم عن صفقة "الرافال" ...؟؟؟
إلى حتى اليهال إلى بالروضة يدرون إنها سرقة القرن ...!!!
بس لان الموضوع فيه جابر المبارك ...!!!
أكيد صالح الملا ما راح يتكلم ...!!!
وطبيعي جدا إن يدافع عن جابر المبارك ...؟؟؟
سمعتوا تصريح واحد لصالح الملا "الوطني" عن صفقة "الرافال" ...؟؟؟
أكيد لا...!!!
والله حتى لو كانت السرقة 100 مليون ماراح يبطل حلجه ...
حتى تصريحه على قضية طيايير الشحن ما قدر اييب سيرة جابر المبارك...!!!
لان بالنهاية بوصلوح "ريل عمته" قاعد له بالعصا قعده ...!!!
الكلام ما خلص.. هذه البداية فقط...!!!

ترقبونا ....