الحقيقة اليوم من كثر المسجات إلي وصلت توقعت انقلاب ...!!!
أو على الأقل استقالة الحكومة ...!!!
أو النواب قدموا استقالتهم ...!!!
أو إن البورصة صارت خضرا ...!!!
أو لان القطب الشمالي ذاب ويايتنا موجه تدمر نص الأرض ...!!!
أو إن إسرائيل هاجمت إيران ...!!!
ولا صادوا بن لادن ...!!!
الخبر يا جماعة اليوم استقالة خالد الفضاله ...؟؟؟
الوطني الوحيد في الكويت ...!!!
والباجي كلهم أصحاب مصالح ...!!!
منهم أنا وأنت بالمناسبة ...؟؟؟
.......................................................
بس خلونا نتخيل شنو راح يصير بعد استقالة "الوطني" خالد ...!!!
-راح يقدم رئيس الوزراء استقالته لان منافسة السياسي استقال.
-راح يسكرون المجلس لان الوطنية من بعد خالد مالها قيمة.
-الدستور راح يحرقونه لان ماكو احد بالكويت غير خالد كان يطبقه.
-مشاريع التنمية راح تمشي لان احمد الفهد كان خايف من الفضالة.
-السعدون راح يعلن خوضه انتخابات المجلس القادمة عشان يعوض نقص الفضاله.
-مقرر الدستور وحقوق الإنسان في المدارس راح يلغي لان شنو الفايده من غير الفضالة.
-الجرايد كلها راح تسكر واحتمال تتحول سوبر ماركت لان منو عندهم غير الفضالة يتكلم.
-البورصة أكيد راح ترتفع لان المستثمرين كانوا خايفين إن الفضالة يمنع الحكومة من دعمهم.
-الكويت راح تنكس علمها والتلفزيون يحطون أغاني وطنية.
-كاس العالم 2014 راح يؤجل لان الروح الوطنية ماتت من بعد الفضاله.
-راح ترجع الدوائر الـ25 لان الفضاله الوطني استقال.
-حرب أهلية طائفية بين الشيعة والسنة لأنهم كانوا ساكتين عشان الوطني الفضاله.
مابي أكمل لأني بكل بساطة ماراح أوقف ...!!!
إلى بقوله وهذا ماراح يكون أخر الكلام ...
إن الإنسان الوطني لما يشوف بيته فاسد يصلحه ...!!!
ولما يشوف إن في فاسدين بالتيار ماله يحاربه ...!!!
ولما يشوف إن صار شماعة لمعاملات تجارية يتكلم ويكشف ...!!!
بالمناسبة وهذا إهداء لمناصري خالد الفضاله ...
المادة (17) من دستور الكويت تقول "للأموال العامة حرمة، وحمايتها واجب علي كل مواطن "...!!!
وبالجزء الثاني راح أفسر ليش حطيت هالمادة ...!!!
ترقبونا .....
