اليوم ويك اند والناس كلها طالعة بنيدر والخيران والوفرة وحابه تريح...
فحبيت أكتب لكم اليوم موضوع لطيف وخفيف...
وبنفس الوقت يكشف لكم أسرار خطيرة راح تسولفون فيها وايد بيمعتكم بالويك اند...
بطل هالقصة اللطيفة اسمه بوصلوح...!!!
طبعا الكل راح باله على انه بوصلوح هو نفسه النائب صالح الملا...؟؟؟
لكن الحقيقة انه بوصلوح شخصية مختلفة تماما...!!!
مع إنها مرتبطة بشكل مباشر بالنائب صالح الملا...؟؟؟
ركزوا معاي عشان تعرفون السر...!!!
شفتوا هالصيحة الي صايرة بالحكومة وسالفة حكومة أم راسين.. والضرب من تحت الحزام بين النائب الأول لرئيس مجلس الوزراء ورئيس الوزراء، والتلويح باستجواب رئيس الوزراء على قضية الرياضة من قبل النائب صالح الملا الي مستذبح بالدفاع عن جابر المبارك.. تخيلوا كل الصيحة من تدبير رجل واحد.. تدرون منو اهو...؟؟؟
الجواب وبكل بساطة ... بوصلــــــــــــــــــــوح ...!!!
طيب منو بو صلـــــــــــــــــوح ...؟؟؟
باختصار.. بوصلوح هو الفريق صالح مشاري الحميضي ...!!!
منو هذا.. ومن وين طلع؟!
وشنو العلاقة بين صالح الملا وصالح الحميضي ...؟؟؟
صالح الحميضي متزوج بنت الملا..
وبنت الملا هي عمة صالح الملا ...!!!
ها توضحت الصورة لكم ...؟؟؟
يعني باختصار صالح الحميضي ريل عمة صالح الملا ...!!!
وصالح الملا متربي في بيت الفريق صالح الحميضي ...!!!
وبالتالي بوصلـــــــوح مثل أبوه ...!!!
يعني باختصار كلمة بوصلوح ما تصير ثنتين عن صالح الملا ...!!!
طيب.. شنو علاقة بوصلوح بجابر المبارك...؟؟؟
سهلة.. بوصلوح مدير مكتب الشيخ جابر المبارك...!!!
شرايكم بالحجي...؟؟؟
يعني لما يقول الفريق صالح الحميضي لصالح الملا قوم دافع عن جابر المبارك...
صالح الملا يقول حاضر على أمرك غصبن عليه وعلى الي خلفوه بعد...!!!
صالح الملا يقول إن يدافع عن الأموال العامة ...!!!
ويقول إن همه مصلحة البلد ...!!!
وان قاعد يكشف الفساد إلى بالبلد ...!!!
كلنا سمعنا هالاسطوانه ...؟؟؟
بس سؤالي ليش صالح الملا "الوطني" ما تكلم عن صفقة "الرافال" ...؟؟؟
إلى حتى اليهال إلى بالروضة يدرون إنها سرقة القرن ...!!!
بس لان الموضوع فيه جابر المبارك ...!!!
أكيد صالح الملا ما راح يتكلم ...!!!
وطبيعي جدا إن يدافع عن جابر المبارك ...؟؟؟
سمعتوا تصريح واحد لصالح الملا "الوطني" عن صفقة "الرافال" ...؟؟؟
أكيد لا...!!!
والله حتى لو كانت السرقة 100 مليون ماراح يبطل حلجه ...
حتى تصريحه على قضية طيايير الشحن ما قدر اييب سيرة جابر المبارك...!!!
لان بالنهاية بوصلوح "ريل عمته" قاعد له بالعصا قعده ...!!!
الكلام ما خلص.. هذه البداية فقط...!!!
ترقبونا ....
انت شنو اللي بتوصل له ؟؟؟
ردحذفوهل مثلاً انت الوطني اللي خايف على الديره لعبوا غيرها لأنك انت اداة بإيد غيرك بعد ولا انت احسن منهم درس فهمناه و تعلمناه
صالح ماعنده عمه ماخذه ولد الحميضي اساسا
ردحذفلولوة الملا ماخذه احمد النفيسي
فاطمه الملا دكتور احمد الخطيب
شريفه الملا غير متزوجة
لا تكذب
وانشر تعليقك
اذا بتكذب، اكذب عدل! صالح الحميضي ريل عمة صالح الملا؟؟؟؟ و صالح الملا رابي ببيت صالح الحميضي؟؟؟؟
ردحذفانت اما فيك شيزوفرينيا و تتصور أشياء في الخيال تراها واقع، ام انك غاسل وجهك بتيزاب و تقط الكذبة -و الله ياهي قوية- و انت ماشي بدون احساس!
ليش الجذب؟ ودي افهم!
لا الصراحه ؟
ردحذفانت واحد من ربع الإمعه للأسف
وضيعت وقتي اقرا مدوناتك
انشر لا تخاف ما سبيت :)