مسرحية الوطني والشعبي...والنتيجة بيع البلد

مع بداية يوم الثلاثاء والناس بطريجها للدوام ، المجلس والحكومة على موعد مع الاستجواب المقدم من النائب خالد الطاحوس لرئيس الوزراء الشيخ ناصر المحمد ....
طبعا مافي شك ان الاستجواب حق مكفول لجميع النواب حتى وان كان الموضوع سخيف من ناحيه ونتايجه معروفه من ناحيه اخرى...
الغريب بالموضوع ... وهذا الكل مستغرب منه ان التكتل الوطني اعلن تعاونه مع التكتل الشعبي ...
يمكن الوضع طبيعي .. وهذا حق مكفول للنوات والتكتلات انها تنسق بالطريقة الى تبيها ...
بـــــــــــــــــس ....
من غير الطبيعي ان التعاون يوصل لمرحلة ان تنباع وتنشرى قضايا البلد ...
باختصار الوطني يوقف مع الشعبي باستجواب ام الهيمان والعكس الشعبي يوقف مع الوطني باستجواب الرياضة...
للحين تعتقدون ان الوضع طبيعي ؟؟؟!!!
خلونا نفصل بالموضوع اكثر.. والقضية ماهي لغز...
واطرافها معروفة وللاسف انت وانا ننباع وننشرى لاجل عيون مصالح الطرفين ...
............................................
في البداية خلونا نسال نفسنا سؤال مهم...
ليش الى قدم استجواب الرياضة صالح الملا؟؟!! ووين مرزوق الغانم بالمعادلة هي؟؟!!
مع ان مرزوق الغانم شغله الشاغل موضوع الرياضة .. وماعنده غير هالموضوع الى بين وقت ووقت يسولف فيه ...
انا ما اقول ان موضوع الرياضة مو مهم ... بالعكس وايد مهم ..
بس المفروض ان الى يقدم الاستجواب مرزوق الغانم ...
ليش مرزوق لما طلع حكم محكمة "الكاس" ما قدم الاستجواب ولا حتى هدد رئيس الوزراء او اى وزير ثاني ؟؟؟!!!
الاجابة بسيطة وايد ... الاستجواب على اساس ان الاتحاد الرياضي غير شرعي صحيح ؟؟؟!!! وان صالح الملا - ومن خلال مرزوق الغانم – يقول ان المطلوب تطبيق القوانين ...صحيح ؟؟!!
..................................................
مرزوق ماعنده القدرة ان يتبني الموضوع لان نفس القضية على اختلاف المكان صاير حق مرزوق ..
مابي ادوخكم ...
باختصار... على ثنيان الغانم والد مرزوق رئيس غرفة التجارة الى بالاساس غير قانوني ووجوده مخالف للقانون بوضوح الشمس...
وبالتالى جزء من صفقة الوطني ان الشعبي يساهم وبشكل جوهري في وضع قانون يعطي الشرعية لوالد مرزوق ..
طبعا انا وانت وين بالمعادلة هذي ... ولاشي احنا نشاهد هالتلاعب بحقوق الكويت واهانة القوانين ...
ان كان فعلا صالح الملا يبي يدافع عن القوانين ليش ما قدم استجواب على الوجود الغير شرعي لمجلس ادارة غرفة التجارة ؟؟!! ولا لان الموضوع فيه مرزوق واطراف ثانية .. فالمطلوب نسكت ؟؟؟!!!
على منو تلعبونها ؟؟!!
.........................................

واضحة العملية ومن التصريحات النيابية للنواب على الراشد وعادل الصرعاوي .. مع الواجهة صالح الملا ...!!!
عادل الصرعاوي كان مدافع عن الحكومة بشكل موطبيعي .. ما ليقت غير الرياضة تنقلب على الحكومة ؟؟!! وطوفت عشرات القضايا ؟؟!!
على الراشد وصل الى مرحلة كان محامي للحكومة وكان يبي يعدل الدستور عشانها، اليوم تروح يالراشد تنسق مع رئيس الحكومة عشان تصرح ضده ، عشان ما تنحرج منه..
ليش هالخوف .. وليش هالانقلاب ... وعلى منو تضحكون ؟؟!!
لا تتوقعون ان الشعب مسكين ومغلوب على امره ... ترا لعبتكم مكشوفه ... وهذا اول الطريج...!!!
طيب الشعبي شنو مستفيد ؟؟!!
الشعبي مستفيد ان الوطني – للاسف اسمه وطني – راح يوقف معاها باستجواب الطاحوس ....
......................................
سؤال اخير...
شنو دور قناة الرأي بالموضوع ؟؟
الاجابة قريبا ....