الخرافي تفتخر بمشاريع جنوب افريقيا ... بس مشروع تفتخر فيه بالكويت؟!

قبل لا ادش بموضوع اليوم ...
عندي اعلانين مهمين :
- الاول : حبيت اوضح ان مجمع 360 للمرزوق وليس للغانم.. يعني حتى مشروع واحد ما عندهم .. عادي نفس الخرافي ما سوا ولا شي للديرة..
- الثاني : لما باعت الخرافي "زين افريقيا" وزعت 170 فلس وليس 160 فلس ... وبالمناسبة لما نزلت الارباح للناس .. تلاعبت بالسوق ونزلت بيع السوق .. يعني حتى 170 فلس ما تهنت فيها الناس ...
..........................................................................

الكل اكيد شاف اعلان مجموعة الخرافي على الصفحة الاخيرة لاغلب الجرايد ...
تفتخر فيه بانها قامت ببناء ملعبين من ملاعب جنوب افريقيا لاستضافة كاس العالم ...
ما ادري شنو شعوركم كان ... بس انا شعرت بالاسمئزاز الكبير ...
وانا اشوف الاعلان ... تحسرت على الديرة اكثر ...
ومثل ما كتبت بالموقع ... ان الديرة ما تستاهل من الخرافي انها مشروع واحد من هالمشاريع فيها ؟؟!!...
..........................................................................
خلوني اخذكم بجولة بسيطة عن الملاعب الى تتفاخر مجموعة الخرافي انها شيدتها ...



ملعب Green Point Stadium ... الصراحة معمار رائع ... ومع حق جنوب افريقيا انها تفتخر فيه ...
الملعب يستوعب 68 الف مشاهد ... بس جم تكلفته ؟؟
تكلفتة كانت فقط 330 مليون دولار ... يعني 97 مليون دينار كويتي...؟؟!!
بس متي بلشوا فيه ؟؟!!
العقد بدأ في سنة 2007 وتم تسليم الملعب وافتتاحه العام 2009..؟؟!!

اما ملعب Nelson Mandela Bay Stadium, Port Elizabeth ...
يستوعب تقريبا 48 الف ... الحقيقة ان المواقع الرسمية لجنوب افريقيا ما حددت الرقم الحقيقي ... بس موقع اكد ان التكلفة 1.7 مليار دولار ... تقريبا 500 مليون دينار كويتي ...
وطبعا الملعب هذا بلشوا فيه سنة 2007 وتم التسليم سنة 2009...
باختصار خلونا نقول .. ان ملعبين تم تسليمهم باقل من سنتين ...
اما استاذ جابر الاحمد الدولي ... تتوقعون متي بلشوا مجموعة الخرافي فيه ...
تخيلوا ... سنتين ؟؟ّ!! طبعا لا
ثلاث سنوات ؟؟!! طبعا لا
خمس سنوات ..؟؟!! طبعا ...
تعبتوا ولا بعد ؟؟!!
المشروع بلشوا فيه سنة 2000 ... واحنا الحين بسنة 2010 ...
عشر سنوات ... وللحين ما تم افتتاح مشروع استاذ جابر الاحمد الدولي ...
بالله عليكم مو حرام هالوضع ...؟؟!!
بس ترا الى المفروض ينلام ؟؟!!..
انا وانت الى سكتنا ...
ورضينا ان مجموعة من التجار .. يتلاعبون فيني وفيك ...
انا قلت لا ... انت تقدر تقول لا ؟؟!!
فكر فيها ... ترا الكويت تستاهل على الاقل ان تقول لهم .. لا بس كفاية ..!!!
..............................................................................
وطبعا بالاعلان حاطين ايضا ... منتجع بجنوب افريقيا ... ويدللون عليه بعد ...
قبل يومين قلت ان مجموعة الخرافي .. سوت مشاريع بشرم الشيخ ودبي وجنوب لبنان ... والحين بجنوب افريقيا ... وغيرها من الدول ...
بس بالكويت جم مشروع سوا للناس ؟؟!!
خلونا نعد مع بعض ؟؟!!
الاجابة .... صفر مشاريع ...
بالعكس بلعوا كل المناقصات الى بالديرة ...
وفي وزارة ولا حكومة فيها خير ... ما ترسي اي مشروع على الخرافي ...
مجموعة الخرافي صار فيها اغنى ثاني رجل بالعرب ... من منو تتوقعون ؟؟!!
الاجابة ... مني ومنك ...
وانا وياك نمثل الكويت ...
...........................................................
ومرة ثانية ... اسئلك ... انت لى متى ساكت ؟؟؟!!!

ترقبونا ...................