مشكلة العمل السياسي الحديث في الكويت .. كثرة المنافقين فيه ...
ومشكلتنا ان الله كتب علينا .. ان نتابع هالساسه على امل ان نلقى احد صادق ...
بس للاسف .. في اغلب الساسه ... وبالخصوص نواب مجلس الامة ... كذابين
........................................................
اليوم موضوعنا عن كلتة العمل الوطني ... الى تلاعبت بمشاعر الناس ... وبالخصوص المتابعين للشأن الرياضي ... الى يتاملون ان الاوضاع تستقر ...
هالناس ما يهمها منو يقدم استجواب ... ولا منو الى يستجوب ...
الناس تهتم بالاستقرار الرياضي ... سواء كان طلال رئيس ولا حتى بلاتر رئيس الاتحاد ...
ما فكروا هالنواب بالناس ؟؟!!... والى تتمنى ان يصير استقرار سياسي لو اسبوع واحد في الكويت...
عموما كيفهم كتلة العمل الوطني انها تقدم استجواب ...
بس خلونا نناقش الموضوع بعقل شويه .. وبعيدا عن الحساسية...
نواب يهددون باستجواب ... ويعتقدون ان الملف يستحق الاستجواب ... وعندهم ملف يستحق الاستجواب ...
ليش ما قدموه ؟؟!!
ليش يساومون على ملف الاستجواب طالما فيه فساد من وجهة نطرهم ؟؟!!..
وليش يتفقون مع رئيس الوزراء على تقديم الاستجواب ... ويستعرضون له كل تحركاتهم ..!!
كلتة سياسية تهدد بتقديم الاستجواب .. مرة الاحد ... وبعدها الخميس ... والحين ردينا يوم الاحد ...!!!
بالله عليكم في احد يثق بجذي كتلة ؟؟!! كتلة قد كلمتها ؟؟!!
وتخيلوا يوم الاحد ما صار شي من طرف الحكومة ... شنو راح يسوون ؟؟!!
انا اقولكم ... راح يأجلونه لين يوم الخميس ...!!
.........................................................
لو الكتلة صادقين .. كان قدموا استجوابهم ... بس الى صار انهم قبل لا يقدمون الاستجواب ... حطوا شروطهم ... وطبعا مرزوق الغانم والخال جاسم الخرافي عندهم اجند مختلفة تماما عن اجندة الكتلة ... وطبعا هذا كتبته من قبل ...
..........................................................
قبل لا اختم بذكركم بالحديث الشريف...
عن أبي هريرة -رضي الله عنه- قال: قال رسول الله صلى الله عليه وعلى آله وسلم: آية المنافق ثلاث؛ إذا حدث كذب، وإذا وعد أخلف، وإذا اؤتمن خان
.......................
ترقبونا ....
الله يحفظك ياخوي :)
ردحذفأول تشكر على هالمجهود الكبير في الكتابات معني أختلف معاك بأغلي نقاطك .
ردحذفبس إنك توهم الناس إن التجار هم سبب دمار وضع الكويت هذا شيء غير منطقي , خصوصا غن أغلي كتاباتك بتحليلك الشخصي
بعدين أنا قريت عناوين كل كتاباتك و كان هجومك بنسبة 90 % على الخرافي و الغانم ، و أنا ماراح ادافع عنهم بس من غير المنطقي إنك تقول نبي سياسة من غير تجار ، لأن الكويت مو بس فيها الغانم و الخرافي
و موضوع مشاريع الخرافي برة الكويت اهو فعلا شيء يحز بالنفس لكن ما تعتقد بسبب الحكومة و المجلس ؟ إنت لو عندك مجلس مثل الأوادم يدعم المشاريع الخاصة ذيك الساع يكون لنا حق ننتقد الخرافي . بس للأسف كلشي متعصلق بالديرة فلاتلوم أحد غذا وده حلاله بره بالنهاية ( اهو حلاله الشخصي ) محد يقدر يوجهة وين يروح
شغلة ثانيه : إذا ما تعتقد إن في نواب حلوين غير مأهلين إنهم يمثلون أمة و اهمة إلي لهم الحق في التشريع والرقابة هذيلة أولا نحاسبهم
إذا كل إهتمامهم زيادة 50 .. و منح .. كل أقتراحاتهم فيها كااش هذيلة إلى يبون ينشفون الديرة و كأنها باجيلها سنة و نفلها !
اتمنى إنك تكون أكثر حيادية و تكون منطقي شوي يطرحك لان هجومك على التجار بشكل عام ( الغلاف) و على الغانم والخرافي بشكل خاص يشككنا بنسبة كبيرة بأنك لك مصلحة .. طرحك يبين غل على هلعائلتين
و بما إن حرية الراي مكفولة فإنت حر .. بس شوية منطقية و واقعية تجذب الكل إن يسمعك
* بما إنك (إجتهدت) في إنك تقنعنا إن التجار هم سبب دمار الديرة .. بس ودنا نعرف شنو كان وضع الكويت أيام ماكان التجار أكثر في المجلس ؟
من إقترح فكرة التأمينات الإجتماعية (هذا فقط كمثال) ؟
وتشكر يا فيلسوف زمانك :)